Mənzil almaq istəyənlərin DİQQƏTİNƏ! - Həyət və bağ evlərində...

12.06.2019 İnşaat və Əmlak
“Avqustun sonundan etibarən qiymətlər əvvəlki vəziyyətinə qayıdacaq”.

Bu sözləri "MBA Group" konsaltinq şirkətinin baş direktoru, daşınmaz əmlak eksperti Nüsrət İbrahimov açıqlamasında bildirib.

Hazırda daşınmaz əmlak bazarındakı vəziyyəti şərh edən ekspert qeyd edib ki, bu ay ərzində daşınmaz əmlak bazarında 1.87% artım müşahidə olunub:

“Ötən ilin eyni dövrü ilə müqayisədə 11.25% artım baş verib. O cümlədən, həyət və bağ evlərində ay ərzində 4.2% artım hiss olunub. Eyni zamanda, digər seqmentlərdə artım yaşanıb. Yeganə azalma ilkin mənzil bazarında müşahidə olunub.

Mövsümi aylar qiymətlərin aşağı düşməsinə səbəb olur.

Yay mövsümü ilə əlaqədar daşınmaz əmlak bazarında qiymətlərin ucuzlaşması qaçılmazdır. Çünki yay aylarda bazarda aktivlik aşağı düşür. Qiymət ucuzlaşması əsasən mənzil və kirayə bazarında özünü qabarıq şəkildə biruzə verir. Qeyri-yaşayış obyektləri, kommersiya, həyət və bağ evlərinin qiyməti isə stabildir və belə də qalacaq.

Mövcud mənzil fondu əhalinin tələbatını ödəmir.

Bazarda qiymətlərin artması və tikinti işlərinin davam etməsi mövcud mənzil fondunun əhalinin tələbatını ödəmədiyini göstərir. İl ərzində təxminən 2 milyon kvadratmetr tikilir, amma tələb 4 milyon kvadratmetrdir".

VTB