SOCAR-ın Elm Fondu qrant müsabiqəsi keçirəcək

06.05.2019 İqtisadiyyat
Azərbaycan Dövlət Neft Şirkətinin (SOCAR) Elm Fondu qrant müsabiqəsi keçirəcək.

Bu barədə şirkət məlumat yayıb.

"Elm Fondu dövlət və cəmiyyət üçün əhəmiyyət kəsb edən fundamental və innovasiya yönümlü elmi tədqiqat layihələrini və digər elmi tədbirləri hər zaman dəstəkləyib. Fond tərəfindən AMEA-da neft, qaz və kimya sənayesi ilə bağlı aktual problemlərin tədqiqi ilə məşğul olan alimlərin fəaliyyətini stimullaşdırmaq, eləcə də onlara əlavə yaradıcılıq imkanları yaratmaq məqsədilə 2019-cu il üçün müsabiqə elan olunub", - məlumatda qeyd edilib.