USD1,7000
EUR1,8634
GBP2,1133
RUB0,0208

Ölmüş şəxslər seçkiyə çağırılır: “15 il bildiriş göndərmək olar?!”

05.02.2020 İqtisadiyyat
0 0
Bu yaxınlarda 28 saylı Sabunçu üçüncü seçki dairəsindən 14 il əvvəl dünyasını dəyişmiş şəxsin adına fevralın 9-da keçiriləcək növbədənkənar seçkilərdə iştirak etmək üçün bildiriş gəlib.

Ancaq bu, ilk belə hadisə deyil. Seçkilər öncəsi bu cür hallara mütəmadi olaraq rast gəlinir.

Bəs bu cür məsələlər hüquqi cəhətdən necə tənzimlənməlidir?

Qaynarinfo xəbər verir ki, Konstitusiya Araşdırmaları Fondunun rəhbəri, hüquqşünas Əliməmməd Nuriyev Modern.az-a açıqlamasında bildirib ki, belə məsələlərdə səhlənkarlıq var:

"Sadəcə olaraq Dairə Seçki Komissiyası üzərinə düşən vəzifəni yetərincə yerinə yetirə bilmir. 15 il bildiriş göndərmək olar?! Bir dəfə başa düşdük. Bəs daha sonrakı illərdə?! Bu, sadəcə məsuliyyətsizlikdir. Bu cür hallarda problemlər yaranır. Seçki administrasiyası bütövlükdə Seçki Məcəlləsi ilə ona həvalə edilmiş məsələləri uğurla yerinə yetirməlidir. O cümlədən seçki siyahısının dəqiqləşdirilməsi ilə bağlı da işlər aparılmalıdır. Hər il seçki siyahılarının dəqiqləşdirilməsi baş verir. Yeni şəxslər seçki siyahısına daxil edilməli və ölən şəxslərin seçki siyahısından çıxarılması həyata keçirilməlidir. Bir sözlə, daimi yaşayış yerlərini dəyişən insanların uçotu dəqiq aparılmalıdır".

Məntəqə seçki komissiyalarının işinə məsuliyyətsiz yanaşdıqlarını deyən hüquqşünas onların bu işlərə ödənişli cəlb edildiklərini də qeyd edib:

"Bu işlər məntəqə seçki komissiyalarına tapşırılır. Buna görə onlara əmək haqqı da verilir. Çünki məntəqə seçki komissiyaları yalnız seçki müddətində fəaliyyət göstərir. Seçki imzalarının dəqiqləşdirilməsi onların səlahiyyətinə birbaşa aid olduğu üçün bu işi etməlidir. Həmçinin seçki siyahıları MSK-nın saytında da olur. Hər kəs daxil olub adının olub-olmadığını dəqiqləşdirə bilər. Eyni zamanda, bələdiyyələrlə də əlaqə saxlanılmaldıır. Çünki ölüm haqqında kağızı, şəhadətnaməni bələdiyyələr verir".

Əliməmməd Nuriyev dünya ölkələrində belə təcrübənin olmadığını da deyib:

"Xarici ölkələrdə seçki sistemi elektronlaşdığından avtomatik olaraq həll olunur. İnkişaf etmiş ölkələrdə bu cür məsələlərlə bağlı problem yoxdur".

  • Əvvəlki

    Rəsulzadənin nəvəsi: “Ən qısa vaxtda o parka getmək istəyirəm...”

Digər xəbərlər

29.03.2024 İqtisadiyyat
Neftimiz bahalaşdı
0 0
29.03.2024 İqtisadiyyat
Bu günə olan valyuta məzənnələri
0 0