Onlayn alış-veriş edənlər diqqət: Hansı saytlar daha etibarlıdır?

Onlayn alış-veriş edənlər diqqət: Hansı saytlar daha etibarlıdır? - Video

Mağazaların bağlanması ilə onlayn satışlar ciddi şəkildə artıb. İndi demək olar ki, bir çox mağazalar onlayn satışa keçib. İri şirkətlər alıcıların informasiya təhlükəsizliyini təmin etsə də, bu sahədə yeni olanlar və digər kiçik mağazalardan alış veriş zamanı bəzi problemlər yaşanır. Bəzən vətəndaşların kart hesabından pul oğurlanması müşahidə edilir. Nəqliyyat, Rabitə və Yüksək Texnologiyalar Nazirliyinin bir sıra tövsiyyələri var.

Onlayn alış verişə tələbin artması ilə internet dələduzlluğunun da sayı artıb.

"Kommersant.az" xəbər verir ki, karantin rejimi ilə əlaqədar bir çox mağazalar onlayn satışa keçib. Əvvəlcədən bu sistemi quran iri şirkətlər təhlükəsizlik tədbirlərini öncədən nəzərə alsa da, sonradan onlayn satışa keçən mağazalarda bu nəzərə alınmayıb. Nəqliyyat, Rabitə və Yüksək Texnologiyalar Nazirliyindən bildirilir ki, vətəndaşlar onlayn alış veriş zamanı hər hansı fırıldaqçılıqla qarşılaşmamaq üçün mütləq qaydada bəzi qaydalara əməl etməlidir.

Nazirliyin mətbuat xidmətinin rəhbəri Günel Gözəlovanın sözlərinə görə, hazırda ən geniş yayılan internet fırıldağı fişhin üsuludur. Vətəndaşlara göndərilən spam mesajlar vasitəsilə şəxsi məlumatlar oğurlanır. Buna görə də tanış olmayan heçbir mənbədən gələn məlumatı açmaq tövsiyyə olunmur.

Onlayn dələduzluqla qarşılaşan vətəndaşlar Nəqliyyat, Rabitə və Yüksək Texnologiyalar Nazirliyinin qaynar xəttinə və ya sosial media hesablarına müraciət edə bilər.

ticarət elektron