.jpg)
“Xəzər”dən 7 operator çıxarıldı
"Kommersant.az" xəbər verir ki, "Pravda.az"ın əldə etdiyi xəbərə görə, televiziyanın Xəbərlər və Proqramlar departamentlərindən, ümumilikdə, 7 operator çıxarılıb.
Bunlar Nicat Haqverdiyev, Sarvan Allahverdiyev, Emin, Heydər, Cabbar, Şünasib və Şahin adlı operatorlardır.
Bəzi jurnalistlərin də işdən azad ediləcəyi bildirilir.
Xatırlatma: Bir neçə gün öncə, başlayan işdən çıxarılmalar əsasən Maliyyə və Reklam departamentlərini əhatə edib. Belə ki, Maliyyə departamentinin rəisi Rəhman, baş mühasib Amil Məmmədov, Cəbrayıl Alışov və digərləri vəzifələrindən azad ediliblər. Reklam departamentinin də bəzi əməkdaşları işdən çıxarılıblar.
Qeyd: SOCAR-ın təsisçiliyi ilə yaradılan "SOCAR Media" İctimai Birliyi martın 5-də "Xəzər TV" MMC-nin təsis paylarını alıb. Sonra isə televiziyaya icraçı direktor Xalq artisti Murad Dadaşov təyin edilib. "Xəzər TV"-nin əvvəlki rəhbəri Azərbaycan Prezidentinin sabiq köməkçisi Əli Həsənovun oğlu Şamxal Həsənli olub.
Digər xəbərlər
Rusiya məhkəməsi JPMorgan-ın aktivlərinə və Commerzbank səhmlərinə həbs qoyub
Microsoft süni intellektə milyard dollarlıq sərmayə qoymağı planlaşdırır
