Azərbaycanın pərakəndə ticarət şəbəkələrində neçə manatlıq mal satılıb?

Azərbaycanın pərakəndə ticarət şəbəkələrində neçə manatlıq mal satılıb? - MƏBLƏĞ

2020-ci ilin yanvar-noyabr aylarında pərakəndə ticarət şəbəkəsində istehlakçılara 35046,3 milyon manatlıq mal satılıb

"Kommersant.az" xəbər verir ki, o, cümlədən 18851,8 milyon manatlıq ərzaq məhsulları, içkilər və tütün məmulatları, 16194,5 milyon manatlıq qeyri-ərzaq malları satılıb. 2019-cu ilin müvafiq dövrü ilə müqayisədə pərakəndə ticarət dövriyyəsi real ifadədə 1,4 faiz, o cümlədən qeyri-ərzaq malları üzrə 6,0 faiz azalmış, ərzaq məhsulları, içkilər və tütün məmulatları üzrə isə 3,1 faiz artıb.

Hesabat dövründə əmtəə bazarı aşağıdakı göstəricilərlə xarakterizə olunmuşdur:

Məhsul qruplarının adları	Satışdan gəlir, milyon manatla	2019-cu ilin yanvar - noyabr aylarına nisbətən, faizlə
Pərakəndə ticarət dövriyyəsi	35 046,3	98,6
o cümlədən:
ərzaq məhsulları	17 082,6	103,3
içkilər və tütün məmulatları	1 769,2	100,3
toxuculuq məhsulları, geyim və ayaqqabılar	5 728,6	87,8
elektrik malları və mebellər	1 957,1	93,2
kompüterlər, telekommunikasiya avadanlıqları və çap məhsulları	286,8	105,6
əczaçılıq məhsulları və tibbi ləvazimatlar	644,7	141,9
avtomobil benzini və dizel yanacağı	1 869,1	97,8
digər qeyri-ərzaq malları	5 708,2	95,5