20.02.2023 İqtisadiyyat

23 4

"Kommersant.az" xəbər verir ki, bunu açıqlamasında iqtisadçı-ekspert Ramil Osmanlı Türkiyədə baş verən zəlzələnin Azərbaycanın daşınmaz əmlak bazarına, xüsusilə həyət evlərinin qiymətinə təsirlərindən danışarkən deyib.

Ekspert qeyd edib ki, qiymət artımına qısamüddətli dövrdə müəyyən psixoloji faktorlar təsir edə bilər. Lakin indiki mövsüm ümumiyyətlə, daşınmaz əmlak bazarı, o cümlədən fərdi yaşayış evləri və torpaq sahələri üçün aktiv dövr hesab olunur: "Buna görə də dinamik artım, yəni 15, 25, 50 faiz olmasa da, hər halda 3-5 faiz nisbi qiymət artımı müşahidə olunacaq. Artımın fantastik olacağını düşünmürəm".

"Hazırda ən çox torpaq sahəsi hansı ərazilərdə satılır?" sualına Ramil Osmanlının cavabı belə olub:

"Bu suala konkret cavab vermək mümkün deyil. Çünki torpaq sahəsi müxtəlif ərazilərdə satılır. Yəni paytaxta yaxın olan əraziləri nəzərdə tuturuqsa, Bakının kənar rayonları Sabunçu, Suraxanı, Xəzər və ya Abşeron rayonuna nisbətən paytaxta yaxın olan ərazilərdə bazara həddən artıq çox torpaq sahəsi təklif olunur. Təbii ki, Xırdalan və Masazır kimi ərazilərdə torpaq sahələri daha çox satılır".