.png)
Antalyaya turist axını - REKORD SƏVİYYƏ
Şəhər bu il bütün zamanların ən yaxşı qış mövsümünü yaşayır. Dənizi, qumu, günəşi, tarixi və təbii gözəllikləri, mədəni strukturları və qədim şəhərləri ilə turistlərin diqqət mərkəzində olan Antalya yeni rekord qırmağa davam edir.
Mədəniyyət və Turizm Müdirliyinin məlumatlarına görə, 1 yanvar - 28 fevral tarixləri arasında şəhəri hava yolu ilə ziyarət edən turistlərin sayı 450 min 283 olub. Turizmin ən yaxşı ili olan 2019-cu ildə iki ayda 296 min 344 turisti qəbul edən Antalya bu il 2019-cu ili geridə qoyub. Ötən ilin eyni dövrü ilə müqayisədə turistlərin sayı 56 faiz artıb.
Fevral ayında şəhəri keçən ilə görə yüzdə 53 artımla 230 min 635 xarici turist ziyarət edib. Bu rəqəm tarixə bütün zamanların ən yaxşı fevral ayı kimi düşüb.
Antalyaya ən çox turist göndərən ölkələrin sıralamasında isə 132 min 74 turistlə Rusiya birinci olub. Rusiyanı 79 min 797 turistlə Almaniya, 40 min 10 turistlə İngiltərə izləyib.
İki ayda hava yolu ilə şəhərə ən çox turist göndərən digər ölkələr sırasıyla Polşa, İsrail, Qazaxıstan, Hollandiya, Ukrayna, Danimarka və Belçika olub.
Digər xəbərlər
.jpg)
