Böyük Britaniya iqtisadiyyatı yanvarda 0,3% artıb
Britaniya Milli Statistika İdarəsi (ONS) yanvar ayı üzrə artım rəqəmlərini açıqlayıb. Müvafiq olaraq, ölkənin ümumi daxili məhsulu (ÜDM) yanvar ayında yüzdə 0,3% artıb.
İqtisadçılar yanvar ayında ölkədə iqtisadi artımın 0,1 faiz artacağını gözləyirdi. Britaniya iqtisadiyyatı ötən ilin dekabrında 0,5 faiz azalıb.
Artım məlumatları ilə bağlı qiymətləndirmə edən İngiltərə Maliyyə Naziri Jeremy Hunt, İngiltərə iqtisadiyyatının son aylıq artım məlumatları ilə İngiltərə iqtisadiyyatının göründüyündən çox daha dayanıqlı olduğunu sübut etdiyini qeyd edib.
KMPG İngiltərənin baş iqtisadçısı Yael Selfin də iqtisadiyyatdakı artım əlamətlərinə baxmayaraq, tənəzzül ehtimalının hələ də masada olduğunu bildirib.
Selfin, "Qazın topdansatış qiymətlərinin nəzərəçarpacaq dərəcədə azalması və tədarük zəncirindəki fasilələrin yüngülləşdirilməsi 2023-cü ilin əvvəli üçün iqtisadi perspektivlərə müəyyən dəstək verdi. Lakin bu, bu ilin birinci yarısında tənəzzülün qarşısını almaq üçün kifayət etməyə bilər. Çünki istehlak xərcləri yüksək qiymətlər və yüksək faiz dərəcələri ilə sıxışdırılmağa davam etdiyi üçün zəif olaraq qalır”, ifadəsini işlətdi.
Böyük Britaniya iqtisadiyyatı 2022-ci ilin 4-cü rübündə əvvəlki rüblə müqayisədə dəyişməz qaldı və texniki tənəzzüldən dar bir şəkildə xilas oldu.
Britaniya iqtisadiyyatı keçən il 4 faiz illik artımla G7 ölkələri arasında ən sürətli artımı qeydə alıb.
Digər xəbərlər
