Banklar kredit standartlarını sərtləşdirdi
Kommersant.az xəbər verir ki, FED, Amerika iqtisadiyyatında mövcud vəziyyətin qiymətləndirilməsini özündə əks etdirən "Bej Kitab" hesabatının aprel sayını dərc edib.
Bankın 12 filialının təhlilləri ilə hazırlanan hesabatda son həftələrdə ümumi iqtisadi aktivliyin “çox az” dəyişdiyi, artım gözləntilərinin böyük ölçüdə dəyişmədiyi qeyd edilib.
Hesabatda istehlakçı xərclərinin davam edən mülayim qiymət artımları fonunda bir qədər azaldığı, avtomobil satışlarının ümumiyyətlə sabit qaldığı, yalnız bir neçə bölgənin satışların və inventar səviyyələrinin yaxşılaşdığını bildirdiyi bildirilir.
Hesabatda bəzi bölgələrə görə yükdaşıma həcmlərinin də azalma tendensiyası müşahidə olunduğu, yaşayış evlərinin satışı və yeni tikinti fəaliyyətinin mülayim şəkildə yumşaldıldığı, satış və kirayə fəaliyyətinin ümumilikdə aşağı düşdüyü, qeyri-yaşayış obyektlərinin tikintisində isə az dəyişiklik olduğu bildirilib.
Digər xəbərlər
