28.04.2023 İqtisadiyyat

17 4

Kommersant.az məsələni Azərbaycan Turizm Agentliklərin sədrinin müşaviri Müzəffər AğaKərimovla müzakirə edib.

Həmin müsahibəni təqdim edirik:

• Azərbaycan yeni yay turizm mövsümünə hazırdır?
• Azərbaycan yeni yay turizm mövsümünə hazırdır. Bəli, artıq Azərbaycanın regionları, xüsusi ilə şimal-qərb, şimal-şərq və cənub bölgələrində artııq böyük təcrübəyə malik olan, öz fəaliyyətlərini artıq turistlərin qəbulu üçün açan həm hotellər, həm də turizm qrupları turistləri qəbul etmək üçün hazırdır. Neçə ildir Azərbaycanda daxili turizm inkişaf edir. Bu da onu göstərir ki, Aəzrbaycanın regionlarında olan turizm qurumları turistlər xidmət etmək üççün artıq hazırdır. Onu da qeyd edim ki, yerli turistlər artıq ölkə daxilində istirahət etməyə üstünlük verir.

• Ölkəyə turist cəlb etməkdə problemlərimiz nədir?
• Bu problemlərdən danışsaq, deməliyik ki, Azərbaycana gələn turistlər üçün şərait yaradılır. Lakin quru sərhədlər də açılarsa, ölkəyə gələn turistlərin sayı daha da artacaq. Turistləri Azərbaycana cəlb etmək üçün həm viza problemləri, həm otellər, həm turizm şirkətləri, həm ekskursiya bələdçiləri yüksək səviyyədə xidmət göstərməyə çalışırlar. Mən düşünürəm ki, ölkəyə turist cəlb etmək problemi yoxdur. Təkcə bir problem var, o da qurur sərhədlərinin bağlı olmasıdır.

• Turizm sahəsində işləyənlərin səriştəsinin artırlması ilə bağlı, Türkiyə s turizmi inkişaf edən ölkələrin təcrübələrindən bəhrələnmək üçün nə etmək olar?
• Azərbaycanda bu sahədə istənilən qədər kadr var. Çünki Azərbaycanda Turizm və Menecment Universiteti, Bakı Dövlət Unuversitetinin, Qərb Universitetinin, Xəzər Universittetinin, eləcə də peşə məktəbləri və kolleclərdə kadrlar hazırlanır. Bu sahə inkişaf etdikcə ölkədə yeni kadrlara ehtiyac duyulur. Azərbyacanda bu sahədə fəaliyyət göstərən şəxslərin bir çoxu xarici ölkədə, xüsusilə Türkiyədə təcrübə keçiblər. Təkcə Bakı deyil, regionlarda da kadrların hazırlanması istiqamətində işlər görülür.

• Yerli vətəndaşlar daxili turizmə deyil, xaricə üz tuturlar, bunu da qiymət və keyfiyyət fərqi ilə əsaslandırırlar. Bunu necə aradan qaldırmaq olar?
• Əksinə, mən düşünürəm ki, son illərdə Azərbaycanda daxili turizmin çəkisi daha da çoxalıb. Vətəndaşlarımız elə ölkə daxilində istirahətə üstünlük verirlər. Bu həm də son dövrlər dünyada baş verən hərbi, siyasi, iqtisadi məslələrlə də bağlıdır. Hətta biz bayram günlərinə nəzər salsaq görərik ki, regionlarda otellərdə yerlər dolu olur. Proqnozlarımıza görə get-gedə ölkədə daxili turizmin çəkisi daha da artacaq. Ona görə də regionlarda daha çox otel və istirahət mərkəzlərinin tikiləməyinə ehtiyac olacaq. Əvvəlki illərə nisbətən ölkədən gedən turistlərin sayı azdır. Azərbaycanda turizmin inkişafının müsbət tərəflərindən bir də ölkəyə daha çox valyutanın da gəlməsidir. Bu da həm də turizm kadrları üçün yeni iş yerlərinin yaradılması deməkdir.
• Türkiyədə baş verən məlum zəlzələ həmin ölkəyə səfər edən turistrlər də narahatlıq yarada bilər. Necə düşünürsünüz, həmin türistləri biz ölkəmizə cəlb etmək üçün nə edə bilərik? Azərbaycanın turizm potensialı və real şərait buna imkan verirmi? Nəzərə alsaq ki, təkcə Türkiyə deyil, Rusiya -Ukrayna savaşına görə, Krım və Ukraynanın bir çox turizm mərkəzləri turistləri cəlb edə bilmir.
• Türkiyədə baş verən zəlzələ fors-major hadisədir. Ora gələn turistlərin sayında müvəqqəti azalma olsa da, yenə də ora turistlər gələcək. Lakin buna baxmayaraq, Azərbaycan turizmi xüsusi ilə Rusiya, Belarusiya, Qazaxıstan turistləri üçün cəlbedici ölkə olduğu üçün bura gələn turistlərin sayı artacaq. Yəni, bu digər ölkələrə gedən turistlərin sayından asılı deyil. Ölkədə bu turistləri qəbul etmək üçün hər şərait var. Ölkəyə gələn turistlər təkcə Bakıya yox, eyni zamanda ölkənin regionlarına da səfər etməkdə maraqlıdırlar. Hətta bir neçə il əvvələ qədər ölkədə qış turizmi yox idi, indi bu turizm növü də inkişaf edir. Ona görə də deyə bilərik ki, Azərbaycanda artıq turizm həm inkişaf edir, həm də bu sahədə daha yeni təcrübələr əldə edilir.