Portuqaliya 4 günlük iş həftəsinə keçir

Portuqaliyadakı solçu hökumət, 100-ə qədər şirkətdə həftədə 4 gün çalışma pilot layihəsinin bu gündən başladığını açıqladı.

Kommersant.az xəbər verir ki, əmək, sosial təminat və həmrəylik naziri Ana Mendes Qodinyo qeyd edib ki, iyunun 5-dən qüvvəyə minən fərmana əsasən, əmək haqqına təsir etmədən həftəlik işin 4 günə endirilməsi praktikası işəgötürənlər və istəyən işçilər üçün başlayıb.

Nazirlikdən verilən məlumatda bildirilib ki, ümumilikdə 350 min avroya başa gələcək bu proqramın büdcəsi 100-ə yaxın şirkətin pilot təcrübədə iştirakı ilə Məşğulluq və Peşə Təhsili İnstitutu tərəfindən qarşılanacaq.

Layihənin əsası həftədə 4 gün iş rejimi, o cümlədən həftəlik iş vaxtının 40-dan 32-yə endirilməsidir. Pilot proqramda iştirak edən şirkətlər həftədə 4 gün iş təcrübəsi öncəsi, zamanı və sonrasında şirkətin məhsuldarlığı, aralıq xərcləri, işçilərin rifahı kimi məsələlərlə bağlı məlumatlarını nazirliklə paylaşaraq hesabat hazırlayacaqlar.