.jpg)
AQTA kənd təsərrüfatı məhsullarının satışı yarmarkalarında yoxlama aparır
Agentlikdən “Kommersant”a verilən məlumata görə, monitorinqlər çərçivəsində iyul ayının 14-də Bakı və Sumqayıt şəhərlərində yerləşən yarmarkalara baxış keçirilib, satışa çıxarılan məhsulların mənşə sənədləri yoxlanılıb, eyni zamanda laborator müayinələrin aparılması üçün məhsullardan nümunələr götürülüb.
Agentliyin mütəxəssisləri yarmarkalarda keçirilən monitorinqlərin ilkin nəticələrini – məhsulların qablaşdırma, daşınma və satış şəraiti ilə bağlı aşkar olunan nöqsanları diqqətə çatdırıb.
Monitorinqlər zamanı aparılan maarifləndirmə işləri çərçivəsində, satışla məşğul olan vətəndaşlara qida təhlükəsizliyi qaydaları ilə bağlı, istehlakçılara isə məhsul seçərkən qida təhlükəsizliyi sahəsində diqqət edilməli xüsuslar haqqında məlumatlar verilib.
Qeyd edək ki, AQTA ötən həftədən etibarən kənd təsərrüfatı məhsullarının satışı yarmarkalarında monitorinqlərə başlayıb və monitorinqlərin nəticələri ilə bağlı ictimaiyyətə mütəmadi şəkildə məlumatlar çatdırılır.
Digər xəbərlər
Azərbaycan iqtisadiyyatına xarici investisiya qoyuluşu 36%-ə yaxın artıb
ING 2028-ci ilə qədər Azərbaycanda inflyasiya ilə bağlı proqnozlarını bölüşüb
Dəmir filizi qiymətlərinin artması Çin polad istehsalçılarını çətin vəziyyətdə qoyur
