USD1,7000
EUR1,8634
GBP2,1133
RUB0,0208

İtaliya Azərbaycandan qaz idxalını - ARTIRIB

22.12.2023 İqtisadiyyat
0 0
İtaliya 2023-cü ilin oktyabr ayında Azərbaycandan təbii qazın idxalını sentyabr ayındakı 800,5 milyon kubmetrlə müqayisədə artıraraq 881,2 milyon kubmetrə çatdırıb.

Bu barədə Kommersant.az-ın sorğusuna cavab olaraq Avropa İttifaqının Statistika İdarəsi olan Eurostat-dan bildiriblər.

Bu, aylıq hesablamada 10 faizdən artıq artım deməkdir.

2023-cü ilin ilk on ayı ərzində İtaliya Azərbaycandan ümumilikdə 4 milyard avro dəyərində 7,7 milyard kubmetr qaz idxal edib.

Oktyabr ayında İtaliyanın Azərbaycandan təbii qaz idxalının dəyəri sentyabr ayındakı 310,6 milyon avro ilə müqayisədə 364,2 milyon avro olub ki, bu da təqribən 17,3 faiz artım deməkdir.

Qeyd edək ki, Cənub Qaz Dəhlizi vasitəsilə Azərbaycan qazının Avropaya nəqli 2020-ci il dekabrın 31-də başlayıb. Dəhliz vasitəsilə qaz Xəzər regionundan Gürcüstan və Türkiyə vasitəsilə Avropa ölkələrinə nəql olunur.

Reklamınızı SmartBee ilə effektiv edin.

Layihənin dəyəri 33 milyard dollar olub. CQD layihəsinə çəkilən əsaslı xərclərinin əvəzinin 8-10 il ərzində tam çıxarılacağı gözlənilir.

2022-ci ilin iyul ayında Azərbaycan və Aİ Cənub Qaz Dəhlizi ilə tədarüklərin həcmini hazırki 10 milyard kubmetrdən 2027-ci ildə 20 milyard kubmetrədək artırmaq barədə razılığa gəliblər.

  • Əvvəlki

    Mərkəzi Bankın sədrinə yeni müşavir təyin edildi - FOTO

Digər xəbərlər