25.12.2024 İqtisadiyyat

0 0

2025-ci il büdcə qanun layihəsi ilə bağlı konsensusa gələ bilməyən müxalifət solçuları və ifrat sağçılar onsuz da kövrək olan Barnier hökumətinə qarşı etimadsızlıq təklifi təqdim etmişdilər. Fransada seçkilərdən 3 ay sonra qurulan və müxalifətin etimadsızlıq səsverməsi ilə devrilmiş yeni hökumətin də sələfi ilə eyni aqibəti yaşaya biləcəyi bildirilir.

Bayrou hökumətinin, Barnier kimi, “seçkilərin uduzanları” kimi xarakterizə edilən sağ mərkəzçi blokdan təşkil olunması vəziyyəti daha da kövrək edir. Yeni hökumət "heç də yeni olmadığı" üçün tənqid edilsə də, Barnier hökumətini etimadsızlıq səsi ilə devirən müxalifət, kabinet açıqlandıqdan sonra ilk qiymətləndirmələrində Bayrou hökumətinin də uzun ömür sürməyəcəyinə işarə verdi.

Le Pen 2027-ci il seçkilərini gözləyir

Hökumətdə olmayan, lakin parlamentin ən böyük siyasi partiyası olan ifrat sağçı Milli Rallinin sədr müavini olan Marin Le Pen son bir ildə hökumətin dörd dəfə dəyişdiyini xatırladaraq Makronu tənqid edib.

2027-ci il prezident seçkilərində namizəd olduğu bilinən Le Pen, Konstitusiyanın təkrar seçki üçün icazə verdiyi 1 illik müddət bitər-bitməz "bu müvəqqəti siyasi dalğalanmaların sona çatacağını" ifadə etdi. Le Pen, ölkənin düşdüyü hökumət böhranına görə məsuliyyət daşıdığını gördüyü Makronun indi “bitirdiyini” və növbədənkənar prezident seçkilərinin keçiriləcəyini proqnozlaşdırdığını bildirib.

"Bayrou qışdan sağ çıxa bilməz!"

Solçu İtaətsiz Fransa (LFI) partiyasından olan və Milli Assambleyanın Büdcə Komitəsinin rəhbəri Eric Coquerel, Bayrou hökumətinin "qışdan sağ çıxmayacağını" söyləyib.