Neft qiymətləri tələb narahatlığı ilə azalır

Beynəlxalq bazarlarda Brent markalı neftin bir barreli 61,04 dollara satılır.

Ötən gün 63,34 dollara kimi bahalaşan Brent markalı neftin bir barel qiyməti günü 61,06 dollarla bağladı. “Brent” markalı neftin bir barelinin qiyməti bu gün 08,23-də bağlanış qiyməti ilə müqayisədə təqribən 0,03 faiz azalaraq 61,04 dollar olub. Eyni zamanda West Texas Intermediate (WTI) markalı xam neftin bir barreli 58,15 dollara alınıb.

Dünyanın iki ən böyük neft istehlakçısı arasında ticarət müharibəsi nəticəsində yaranan tələb narahatlıqları və bazarlarda təklifin artıqlaması ilə bağlı gözləntilərin artması neftin qiymətinin aşağı düşməsinə səbəb olan amillər olub.

ABŞ prezidenti Donald Trampın aprelin 2-də bir çox ticarət tərəfdaşlarından idxal olunan məhsullara əlavə vergi tətbiq edəcəyini açıqlamasından sonra ucuzlaşmağa başlayan neft qiymətləri, Çinin cavab addımından sonra aprelin 9-da son 4 ilin ən aşağı səviyyəsini gördü.

Digər tərəfdən, Neft İxrac Edən Ölkələr Təşkilatına (OPEC) üzv 8 ölkənin və bəzi istehsalçı ölkələrdən ibarət OPEC+ qrupunun hasilatı artırmağa davam edəcəyi gözləntiləri bazarlarda təklifin artıqlaması ilə bağlı narahatlıqları qidalandırır.

Bundan əlavə, mayın 5-də Səudiyyə Ərəbistanı, Rusiya, İraq, Birləşmiş Ərəb Əmirlikləri, Küveyt, Qazaxıstan, Əlcəzair və Oman da daxil olmaqla 8 ölkənin hasilat miqdarlarını müəyyən etmək üçün görüşməsi planlaşdırılır.