Bitcoin bazarda hökmranlığını gücləndirir

Qlobal kriptovalyuta bazarı aprel ayında 10,8 faiz artaraq əhəmiyyətli bir canlanma göstərdi. Bitcoin-in bazar üstünlüyü 2021-ci ildən bəri ən yüksək səviyyəyə çatıb, artım onun “rəqəmsal qızıl” statusu və ehtiyat aktiv kimi rolunun güclənməsi ilə bağlıdır.

Binance Research aprel ayı üçün rəqəmsal aktiv bazarındakı inkişafları əhatə edən “Aylıq Bazar Görünüşü Hesabatı”nı açıqladı.

Şirkətdən verilən açıqlamaya görə, Binance-in tədqiqat qolu Binance Research, rəqəmsal aktiv ekosistemini formalaşdıran fundamental tendensiyaların hərtərəfli məlumat əsaslı təhlilini təqdim edən aprel hesabatında makroiqtisadi şəraitin yaxşılaşması, institusional marağın artması və inkişaf edən istifadə sahələrinin bazarın yüksəlişində təsirli olduğunu bildirib.

Hesabata görə, qlobal kriptovalyuta bazarı aprel ayında 10,8 faiz artaraq əhəmiyyətli bir canlanma nümayiş etdirdi və bu hərəkət makro təzyiqlərin azalması və institusional investorların sektora qayıtması ilə dəstəkləndi və ilin ikinci rübü üçün rəqəmsal aktivlər üçün perspektivli mənzərəni çəkdi.

Bitkoinin bazarda hökmranlığı artıb
2021-ci ildən bu yana ən yüksək səviyyə olaraq qeydə alınan ABŞ-da satılan spot Bitcoin ETF-lərinə rekord fond axını sayəsində Bitcoin-in bazar üstünlüyü yüzdə 63-ə çatdı. Hesabata görə, bu artımın əsasını Bitcoin-in “rəqəmsal qızıl” olaraq yenidən yerləşdirməsi və ehtiyat aktiv kimi getdikcə daha güclü rol oynaması göstərilir.

Bu dövrdə bitkoin 105 min dollar ətrafında alınıb və ilin əvvəlindən bu yana 40 faizdən çox dəyər qazanıb. Bu artım ABŞ-da ticarət edilən spot Bitcoin birja fondlarına (ETF) güclü tələbat, təklifin azalması və qlobal likvidliyin artması ilə əlaqədardır.