11.08.2025 İqtisadiyyat

0 0

Xəzinə və Maliyyə Nazirliyindən alınan məlumata görə, mərkəzi Kahramanmaraşda olan zəlzələlərdən zərər çəkən Cənub-Şərqi Anadolu Bölgəsinin infrastrukturunun beynəlxalq maliyyələşdirilməsi üçün işlər davam etdirilir.

Nazirlik tərəfindən bu istiqamətdə həyata keçirilən səylər nəticəsində Dörtyol-Hassa Avtomobil Yolu və Dəmir Yolu Layihəsi üçün təxminən 1,55 milyard avro xarici maliyyə vəsaiti təmin edilib.

Maliyyələşdirmə sazişləri Nazirlik və Societe Generale-nin rəhbərlik etdiyi kreditorlar arasında imzalanıb. İsveç İxrac Kredit Agentliyinin (EKN) və İslam İnkişaf Bankının nəzdində fəaliyyət göstərən İslam İnvestisiya Sığortası və İxrac Kredit Şirkətinin (ICIEC) zəmanəti ilə müxtəlif kommersiya bankları maliyyələşmədə iştirak edib.

Layihənin strateji əhəmiyyəti var.

Nəqliyyat və İnfrastruktur Nazirliyinin İnfrastruktur İnvestisiyaları Baş İdarəsi tərəfindən həyata keçirilən layihə İskenderun körfəzini birbaşa Cənub-Şərqi Anadolu Bölgəsi ilə birləşdirdiyi üçün strateji əhəmiyyət kəsb edir.

İskəndərun körfəzini Amanos dağlarının arxasındakı sənaye bölgələrinə və Qaziantep vilayətini həm avtomobil, həm də dəmir yolu ilə birləşdirəcək layihənin tamamlanmasının bölgənin nəqliyyat infrastrukturunun yaxşılaşdırılması, ticarət və turizm fəaliyyətinin artırılması, iqtisadi və sosial inkişafı dəstəkləməsi, Türkiyənin ixracatına əhəmiyyətli töhfə verəcəyi gözlənilir.