AMB prezidenti Laqard: ABŞ-ın tariflərinə baxmayaraq Avropa iqtisadiyyatı güclü olaraq qalır

Avropa Mərkəzi Bankının (AMB) prezidenti Kristin Laqard ABŞ prezidenti Donald Trampın yeni tarifləri qarşısında Avropa iqtisadiyyatının gözləniləndən daha yaxşı dayandığını bildirib. Laqard vurğuladı ki, bunun bir səbəbi Avropa İttifaqının qarşılıqlı ziyan vuran cavab tarifləri tətbiq etməməsidir.

Trampın siyasəti dolları zəiflədib, avronu gücləndirdi. Bu da öz növbəsində idxalı ucuzlaşdırdı və ECB-nin inflyasiyanı nəzarət altında saxlamasına kömək etdi.

Helsinkidə keçirilən mərkəzi bank konfransında danışan Laqard Trampın başlatdığı ticarət müharibəsinin avrodan istifadə edən 20 ölkədə artım və inflyasiyaya təsirinin gözləniləndən daha az olduğunu bildirib.

Səbəb güclü avro və Trampla Aİ arasında ticarət razılaşmasıdır”

Euronews xəbər verir ki, Laqard buna səbəb kimi “güclü avro” və Trampla Aİ Komissiyasının sədri Ursula fon der Leyen arasında ticarət razılaşması olduğunu bildirib. İyul ayında əldə edilən bu razılaşma sərmayələri təhdid edən qeyri-müəyyənliyi aradan qaldıraraq tarifləri 15 faizlə məhdudlaşdırdı.

"Bir il əvvəl çoxları ABŞ-ın tariflərinin Avrozona iqtisadiyyatı üçün ciddi şok olacağını gözləyirdi. Lakin bu fərziyyələrin bəziləri özünü doğrultmadı", - deyən Laqard inflyasiyaya təsirinin məhdud olduğunu və artımın yavaşlamasının "nisbətən mülayim" olduğunu bildirib.