Azərbaycan qızılı hansı ölkələrdən neçəyə alır?

Azərbaycan qızılı hansı ölkələrdən neçəyə alır? - CƏDVƏL

Bu ilin yanvar-sentyabr ayları ərzində Azərbaycana 22 ölkədən 3,750 milyard ABŞ dolları dəyərində 38,477 min kiloqram qızıl idxal edilib.

Kommersant.az bu barədə Dövlət Statistika Komitəsinə istinadən xəbər verir.

Məlumata görə, ötən ilin eyni dövrü ilə müqayisədə ölkəyə idxal edilən qızılın dəyəri 1,9 milyard ABŞ dolları və ya 2 dəfə, həcmi isə 14,6 min kiloqram və ya 61,3% artıb.

Hesabat dövründə Azərbaycana qızıl idxal edən TOP-3 ölkələr sırasına Rusiya, Böyük Britaniya və Amerik Birləşmiş Ştatları (ABŞ) daxil olub.

Qeyd edək ki, bu ilin yanvar-sentyabr aylarında Azərbaycanda 2 349 kiloqram qızıl istehsal edilib. Qızıl istehsalı ötən ilin eyni dövrü ilə müqayisədə 596,9 kiloqram və ya 34,1% artıb. Ötən ilin ilk doqquz ayında Azərbaycanda 1 752 kiloqram qızıl istehsal olunmuşdu.

Bu ilin oktyabr ayının birinə ölkədə hazır qızıl ehtiyatının miqdarı 142,2 kiloqram olub.

Cari ilin ilk doqquz ayında Azərbaycana idxal edilən qızılın ölkələr üzrə həcmi və idxal dəyəri:

Ölkələr	Qızılın həcmi (kq)	Qızılın dəyəri (min ABŞ dolları)
Qazaxıstan	2556,83	262172,89
Qırğızıstan	417,36	44617,82
Özbəkistan	1226,92	124914,73
Rusiya	6783,68	656760,54
Amerika Birləşmiş Ştatları	4453,16	458836,39
Avstraliya	4120,75	368159,06
Böyük Britaniya və Şimali İrlandiyanın Birləşmiş Krallığı	4860,9	481268,41
Braziliya	1021,46	953118,81
Cənubi Afrika Respublikası	2526,6	267467,72
Çin	1186,22	109542,7
Çinin xüsusi inzibati rayonu Honkonq	184,29	16723,14
Filippin	278,61	28344,69
İsveçrə	1470,02	145035,48
Kanada	1398,88	132316,32
Meksika	2557,6	233513,81
Türkiyə	1134,89	99276,25
Yaponiya	149,89	15586,09
Zimbabve	12,2	1133,44
Almaniya	1062,49	95859,22
İspaniya	692,15	73156,09
İsveç	38,16	4099,74
İtaliya	296,48	31249,34
Rumıniya	48,12	4960,59

Qeyd edək ki, ölkəyə qızıl idxalı dedikdə, qızıldan yarımişlənmiş formalarda çubuqlar, məftil və profillər, lövhələr, istənilən altlıq nəzərə alınmadan qalınlığı 0,15 mm-dən çox olan vərəqlər, zolaqlar və ya lentlər nəzərdə tutulur.