Bu il Azərbaycan 1,2 mlrd. kVt/saat elektrik enerjisi ixrac edib

Bu ilin yanvar-iyul aylarında Azərbaycan 56 943,11 min ABŞ dolları dəyərində elektrik enerjisi ixrac edib.

"Kommersant.az" Dövlət Gömrük Komitəsinə (DGK) istinadən xəbər verir ki, bu, ötən ilin eyni dövrü ilə müqayisədə 31 025,11 min dollar və yaxud 2,2 dəfə çoxdur.
Hesabat dövründə ixrac edilmiş elektrik enerjisinin həcmində də müsbət dinamika müşahidə edilib. Belə ki, xarici ölkələrə 1 205 532,49 min kVt/saat elektrik enerjisi satılıb. Bu da 2017-cı ilin yeddi ayına nisbətən 607 833,83 min kVt/saat və yaxud 2 dəfə çoxdur.
Yanvar-iyul aylarında elektrik enerjisi ixracı Azərbaycanın ümumi ixracının 0,53%-ni təşkil edib.
İxrac edilən hər kVt elektrik enerjisinin qiyməti 0,047 dollar sent, yaxud 0,079 qəpik olub.
Xatırladaq ki, Azərbaycanın ən əsas elektrik enerjisi ixracatçısı “Azərenerji” ASC-dir.

Kommersant.az

Xəbərin müəllifi

Facebok Twitter LinkedIn

Əvvəlki
Prezident İlham Əliyev: "Azərbaycan ilə Ukraynanı ənənəvi dostluq əlaqələri birləşdirir"
Sonrakı
Xarici müəssisə və təşkilatlar əsas kapitala 3,23 milyard manat yönəldib

Digər xəbərlər

03.05.2024 İqtisadiyyat