Prezident: "Son 15 il ərzində Azərbaycan iqtisadiyyatı 3,2 dəfə artıb"

"Bu gün Azərbaycan bölgədə önəmli ölkəyə çevrilib, dünyadakı rolumuz artır, bizim beynəlxalq mövqelərimiz möhkəmlənir, dünya ictimaiyyəti bizim siyasətimizi dəstəkləyir. Bunun ən bariz nümunəsi odur ki, bir neçə il bundan əvvəl dünyanın 155 ölkəsi Azərbaycanı BMT Təhlükəsizlik Şurasına qeyri-daimi üzv seçib. Bu, dünyanın Azərbaycana olan dəstəyinin təzahürüdür".

“Kommersant.az” xəbər verir ki, bu fikirləri Prezident İlham Əliyev Bakı şəhərinin işğaldan azad edilməsinin 100 illiyinə həsr olunmuş paraddakı çıxışında bildirib.
"İqtisadi sahədə aparılan islahatlar Azərbaycana böyük imkanlar gətirdi, biz böyük nailiyyətlərə çata bildik. Təkcə onu demək kifayətdir ki, son 15 il ərzində Azərbaycan iqtisadiyyatı 3,2 dəfə artmışdır. Ölkə iqtisadiyyatına 250 milyard dollar sərmayə qoyulmuşdur. Sosial məsələlərin həlli işində böyük uğurlar əldə edilmişdir. Bu gün Azərbaycanda işsizlik 5 faiz səviyyəsindədir. Azərbaycan dost ölkələrlə, ilk növbədə, Türkiyə ilə birlikdə böyük layihələr icra etdi. Yəni, bütün bunlar tam əminliklə deməyə əsas verir ki, Azərbaycanın gələcəyi də parlaq olacaq", - deyə prezident əlavə edib.

Kommersant.az

Xəbərin müəllifi

Facebok Twitter LinkedIn

Əvvəlki
Azərbaycanın və Qazaxıstanın iş adamları görüşəcəklər
Sonrakı
Ümumvətəndaş pasportu ilə təmin olunması üçün 9 şəhərdə regional şöbə fəaliyyət göstərir

Digər xəbərlər

19.03.2026 İqtisadiyyat