OPEC+ Monitorinq Komitəsinin görüşü Azərbaycanda keçiriləcək

22.06.2018 Energetika
OPEC+ Monitorinq Komitəsinin nazirlər səviyyəsində növbəti iclası sentyabrda Əlcəzairdə, 2019-cu ildə isə Azərbaycanda keçiriləcək.

Bu barədə OPEC-in baş katibi Məhəmməd Barkindo məlumat verib.

“OPEC+ Monitorinq Komitəsinin nazirlər səviyyəsində növbəti iclası Əlcəzairin paytaxtı Əlcəzair şəhərində, 2019-cu ildə isə Azərbaycanın paytaxtı Bakı şəhərində keçiriləcək”, - deyə o, Vyanada bildirib.

İyunun 22-də Vyanada OPEC ölkələrinin iclası, iyunun 23-də isə OPEC+ sazişinin 24 iştirakçı ölkəsinin görüşü keçiriləcək. Bu görüşlərdə OPEC+ sövdələşməsi çərçivəsində hasilatın artırılması imkanları müzakirə olunacaq.

İnterfaks-Azərbaycan