Dövlət növbəti dəfə istiqraz satacaq

Dövlət növbəti dəfə istiqraz satacaq - HƏRRAC

Maliyyə Nazirliyinin istiqrazlarının yerləşdirilməsi üzrə hərrac keçiriləcəkdir

"Kommersant.Az" xəbər verir ki, 15 may 2018-cı il tarixdə Bakı Fond Birjasında Maliyyə Nazirliyinin Dövlət Ortamüddətli İstiqrazları (DOİ) üzrə hərrac keçiriləcəkdir. Hərrac zamanı sifarişlərin toplanması BFB-nin ticarət reqlamentinə uyğun olaraq saat 11:00-dan 12:30-dək təşkil olunacaqdır.

İstiqrazların buraxılış parametrləri barədə məlumat aşağıdakı cədvəldə verilmişdir;

Dövlət istiqrazının növü	Faizli, ortamüddətli dövlət istiqrazları
Qiymətli kağızın ISIN kodu	AZ0105008699
Emissiya həcmi	30 000 000 AZN
Nominal dəyəri	100 AZN
İstiqrazların tədavül müddəti	728 gün
Faiz ödənişləri (olduqda)	13 noyabr 2018-ci il, 14 may 2019-cu il, 12 noyabr 2019-cu il, 12 may 2020-ci il
Faiz gəliri	8 %
Ödəmə tarixi	12.05.2020
Anderrayter	Paşa Kapital İŞ QSC

Hərrac zamanı, qeyri-rəqabətli sifarişlərin istiqrazların buraxılışının 20%-dən artıq olmamaq şərti ilə qəbul edilməsinə icazə verilir.

Hərracda iştirak etməkdə maraqlı olan şəxslər birja üzvü olan investisiya şirkətlərinə müraciət edə bilərlər. Birja üzvlərinin əlaqə vasitələri BFB-nin internet saytının (www.bfb.az) "Üzvlər" bölməsində yerləşdirilib.