03.08.2023 Digər

25 16

Biznesə kiberhücumlar zamanı təcavüzkarlar şirkətin infrastrukturu daxilində növbəti aktiv fəaliyyətlərə keçməzdən əvvəl adətən daxili təhlükəsizlik sistemlərini deaktiv etməyə çalışırlar. Buna görə də, təhlükəsizlik həlləri onları özünü təhlükədən qoruyacaq və bununla da hücumu aşkar edib dayandırmağa imkan verəcək mexanizmlərə malik olmalıdır.

2022-ci ildən etibarən AV-Comparatives şirkəti ixtisaslaşdırılmış tədqiqatlar, xüsusən də 2023-cü ildən başlayaraq Anti-Tampering sınağı keçirməyə başlayıb. O, Windows 10 platformasında işləyən təhlükəsizlik həlləri üçün yaradılıb və parametrləri söndürmək və ya dəyişdirmək, daha sonra isə korporativ şəbəkələrə hücum etmək məqsədilə istifadə edilən boşluqları tapmaq üçün düşünülüb. Təhlükəsizlik həllərinin tərtibatçıları sınaq müəlliflərinin əvvəlcədən seçdiyi hücum üsullarından xəbərsiz olublar. Yalnız hücumların 100%-ni dəf edən həllər sertifikatlaşdırmadan uğurla keçə bilər. Hesabatlar isə yalnız bütün təhlükələrin öhdəsindən gələn məhsullar haqqında dərc edilir.

“Kaspersky” 2023-cü ilin aprelində biznes üçün “Kaspersky Endpoint Security” həllinin qanunsuz müdaxilələrə qarşı effektivliyini yoxlamaq üçün sorğu təqdim edib və may ayında sertifikat alıb. Təhlükəsizlik həlli onu söndürmək, silmək, parametrlərini dəyişmək, yeniləmə prosesini pozmaq və təcavüzkarların zərərli alətlərini “ağ siyahı”-ya salmaq cəhdlərini uğurla dəf edib.

“Kaspersky” müntəzəm olaraq həm real təhlükələri simulyasiya edən müstəqil sınaqlarda, həm də xüsusi tədqiqatlarda, o cümlədən “AV-TEST Ransomware” və “Fileless” testlərində öz texnologiyalarının effektivliyini nümayiş etdirir. Həmçinin 2022-ci ildə “Kaspersky Endpoint Detection and Response Expert” həlli “AV-Comparatives The 2022 OS Credential Demping: LSASS Memory Test” tədqiqatı çərçivəsində təşkil olunan “LSASS” hücumları zamanı sistem və ya domenin hesab məlumatlarını oğurluqdan etibarlı şəkildə qorumaq funksiyasını təsdiqləyib.

“Biz daim müxtəlif müstəqil sınaqlarda iştirak edirik. Bu, bizim texnologiyalarımızı və məhsullarımızı təkmilləşdirmək üçün əla fürsətdir, nəticədə onlar yeni təhlükələrlə mübarizə apara bilir və eyni zamanda onların istifadəsi asanlaşır. Tədqiqat iştirakçıları “AV-Comparatives”-in müdaxiləyə qarşı qoruma keyfiyyətini yoxlamaq üçün istifadə etməyi planlaşdırdığı üsullardan xəbərsiz idilər. Bu, sınaq nəticələrinin mürəkkəbliyini və dəyərini müəyyən edir. Biznes üçün “Kaspersky Endpoint Security” hücum imkanlarını minimuma endirmək üçün müdafiə vasitələrini fərdiləşdirmək və sərtləşdirmək üçün çeviklik təmin edən qabaqcıl texnologiya həllidir. Həllimizin bu tədqiqatda ən yüksək balı toplamasından dolayı qürurluyuq”, - deyə “Kaspersky”-nin Təhdidlərin Tədqiqat şöbəsinin rəhbəri Aleksandr Liskin qeyd edir.

“AV-Comparatives”-in təsisçisi və baş direktoru Andreas Klementi öz növbəsində bildirib: “2022-ci ildən etibarən ənənəvi sınaqlarımıza əlavə olaraq, biz təchizatçılara öz texnologiyalarında və məhsullarında nəyin təkmilləşdirilə biləcəyini anlamağa kömək etmək üçün xüsusi tədqiqatlar aparırıq. Qanunsuz müdaxiləyə qarşı qoruma keyfiyyətinin tədqiqində biz təhlükəsizlik həllərinin haker hücumlarına qarşı müqavimətini qiymətləndirmək üçün müxtəlif üsul və vasitələrdən istifadə etmişik. Biznes üçün ‘Kaspersky Endpoint Security’ bütün saxtakarlıq cəhdlərinin qarşısını alıb və əla nəticələr göstərib.”

Qanunsuz müdaxilədən qorunma keyfiyyətinin tədqiqatının nəticələrinə dair tam hesabata buradan baxa bilərsiniz. Biznes üçün “Kaspersky Endpoint Security” həlli haqqında ətraflı məlumat məhsulun rəsmi səhifəsində mövcuddur.