Azərbaycanda deputatın səlahiyyətinə xitam veriləcək

12.11.2019 Siyasət
Milli Məclisin üzvü Elşad Həsənovun deputat səlahiyyətinə xitam veriləcək.

Bu, onun icraedici orqanda vəzifəyə təyin edilməsi ilə əlaqədardır.

Qeyd edək ki, Prezident İlham Əliyevin bu gün imzaladığı sərəncamla E.Həsənov Yasamal Rayon İcra Hakimiyyətinin başçısı vəzifəsinə təyin edilib.

O, 2015-ci ildə V çağırış Azərbaycan Respublikası Milli Məclisinə 17 saylı Yasamal 3-cü Seçki Dairəsindən deputat seçilib.

Milli Məclisin hazırda 118 deputatı var. E.Həsənovun deputat səlahiyyətlərinə xitam verildikdən sonra Milli Məclis üzvlərinin sayı 117 olacaq.

Milli Məclis tam heyətdə 125 nəfərdən ibarətdir. Milli Məclisə növbəti seçkilər 2020-ci ildə keçiriləcək.