USD1,7000
EUR1,8634
GBP2,1133
RUB0,0208

Hadı Rəcəblidən ona “get tarlada işlə” deyən Mübariz Mənsimova - CAVAB

19.01.2020 Siyasət
6 54
9 Fevral Milli Məclisə seçkilərlə bağlı namizədlərin təşviqat kampaniyası davam edir.

"Kommersant.az" xəbər verir ki, sosial şəbəkədə 74 saylı Lənkəran kənd seçki dairəsi üzrə əsas iddiaçılar Hadı Rəcəbli və Rəvan Bəşirov arasında sorğular təşkil olunub.

Sorğuya "Palmali Şirkətlər Qrupu”nun rəhbəri Mübariz Mənsimov da reaksiya verib. O sorğuya şərh yazaraq Hadı Rəcəbliyə tarlada işləməyi məsləhət görüb: "Məncə Hadı bəy bir az tarlada işləsən, bu günə qədər nə edib ki, yenə də seçilmək istəyir? Ayıbdır, yaşlı adamsan get bir az dincəl”.

AZXEBER.COM bu sözlərlə bağlı Hadı Rəcəbli ilə əlaqə saxlayıb.

O saytımıza açıqlamasında hər kəsin fikrinə hörmətlə yanaşdığını bildirib:

"O, Mübariz müəllimin fikridir. Biz onun fikrinə hörmətə yanaşırıq. Ancaq onu deyim ki, mənim namizədliyim Yeni Azərbaycan Partiyası tərəfindən irəli sürülüb. Demək ki, partiyamızın fikri fərqlidir. Demokratik cəmiyyətdə yaşayırıq, hər kəsin özünü ifadə etmək azadlığı var”.

Hadı Rəcəbli deyib ki, sosial şəbəkələrdə yazılan bütün şərhlərə hörmətlə yanaşır:

"Hər kəsin fikrinə hörmətlə yanaşırıq. Ancaq bununla yanaşı ölkədə hakim partiya var və partiyanın qərarı belədir ki, mən namizəd olum. Partiya üzvləri və sevənlər bu qərara hörmətlə yanaşırlar. Sosial şəbəkədə kim nə istəsə yazır, biz heç kimə təsir etmirik. Mübarizəyə qoşulan hər kəs haqda cəmiyyətdə yetərincə məlumat var. Son sözü isə xalqımız fevralın 9-u deyəcək”.