USD1,7000
EUR1,8634
GBP2,1133
RUB0,0208

Hansı hallarda səsvermədə iştirak mümkün deyil

06.02.2020 Siyasət
0 1
Növbədənkənar parlamen seçkilərinə 3 gün qalıb. Müşahidələr göstərir ki, 9 fevral seçkilərinə maraq böyükdür. Vətəndaşlar əvvəlki seçkilərlə müqayisədə bu dəfə kifəyət qədər aktiv görünürlər. Aparılan sorğular, namizədlərin keçirdiyi görüşlərin təhlili səsvermə hüququ olan vətəndaşların seçkilərə böyük həvsələ gedəcəyi qənaətini yaradıb. Bəs vətəndaşlar hansı hallarda səsvermədə iştirak edə bilməzlər?

"Kommersant.az" xəbər verir ki, seçki mütəxəssisi Bəşir Süleymanlı qanunvericiliyə görə vətəndaşların aşağıdakı hallarda səsvermədə iştirak edə bilməyəcəyini bildirib:

- Səsvermə günü təyyarələrdə və hava limanlarında, qatarlarda və dəmiryolu vağzallarında, ekspedisiyalarda olan vətəndaşlar həmin vaxt səsvermədə iştirak etmirlər. Səsvermə günü üzən gəmilərdə məntəqə seçki komissiyası yaradılmayıbsa, həmin gəmidə olan vətəndaşlar səsvermədə iştirak etmirlər.

- Xəzər dənizinin Azərbaycan Respublikasına məxsus sektorunda yerləşən neft və qaz hasilatı platformalarında (neft platformalarında) səsvermə günü seçki komissiyası yaradılmayıbsa, həmin platformada olan vətəndaşlar səsvermədə iştirak etmirlər.

- Səsvermə günü xarici dövlətdə Azərbaycan Respublikasının diplomatik nümayəndəliyi və ya konsul idarəsi mövcud deyilsə və ya Azərbaycan Respublikasının diplomatik nümayəndəliyində və ya konsul idarəsində seçki məntəqəsi yaradılmayıbsa, həmin xarici dövlətdə olan Azərbaycan Respublikasının vətəndaşları səsvermədə iştirak etmirlər.

- Səsvermə günü xarici dövlətlərdə olan Azərbaycan Respublikasının vətəndaşları üçün Milli Məclisin deputatlarının və bələdiyyə üzvlərinin seçkiləri üzrə səsvermə keçirilmir.

- Səsvermə günü üzən gəmilərdə, xəstəxanalarda, sanatoriyalarda, istirahət evlərində, Xəzər dənizinin Azərbaycan Respublikasına məxsus sektorunda yerləşən neft platformalarında Milli Məclisin deputatlarının və bələdiyyə üzvlərinin seçkiləri üzrə səsvermə keçirilmir.