“Rövnəq Abdullayevin oğlundan xahiş edək ki, saatlarından ikisini satsın, tələbələrə sərf etsin”

19.12.2020 Siyasət
“Tələbələrə onlayn dərslər keçirlər, bu dərslərin hansı səviyyədə olduğunu hər kəs bilir. Onlayn dərs zülmdür. Tələbəni 3-4 saat komputerin qarşısında oturdursan, guya dərs keçirsən, sonra da təhsil haqqı tələb edirsən. Siz nəyin haqqını istəyirsiniz? Sən tələbəni universitetəmi gətirdin, parta arxasındamı oturdun, elektrikə xərcmi çəkdin? Bunun üçün haqq niyə verilməlidir ki?”.

"Kommersant.az"ın xəbərinə görə, bunu AĞ Partiyanın sədri Tural Abbaslı deyib.

Partiya sədri qeyd edib ki, təhsil haqqına güzəşt edilməlidir, tələbələrdən bu haqq istənilməməlidir: “Tələbə sözü ac sözü ilə sinonimdir. Tələbələr diqqət mərkəzində saxlanılmalıdır. Hansısa məmurun villalarından birini satsınlar, tələbələrin təhsil haqqını ödəsinlər. Burda nə var ki? Rövnəq Abdullayevin oğlundan xahiş edək ki, saatlarından ikisini satsın, tələbələrin təhsil haqqına sərf etsin. Sabiq Nəqliyyat naziri Ziya Məmmədovun ayı əti yeyən oğlu Afrikada yeməyə zürafə axtarır. Villalarından birini versin, satılsın, tələbələr yazıqdılar, onlar oxumalıdırlar. Azərbaycana qələbə bəxş edən həm də “Bayraqdar”ı istehsal edəndir, bu tələbə olub... Bizdə niyə Səlcuq Bayraqdarlar yetişməsin?”.

  • Əvvəlki

    Dövlət başçısı: “Ermənistan işğal etdiyi ərazilərin bircə qarışını belə qaytarmağa hazırlaşmırdı”

Digər xəbərlər