29.03.2023 Siyasət

10 0

Kommersant.az-a bunu Milli Məclisin deputatı Rüfət Quliyev həmkarı Fazil Mustafaya qarşı törədilən terror aktından sonra deputat Musa Quliyevin deputatlara silah verilməsi ilə bağlı təklifinə münasibət bildirərkən deyib.

Fazil Mustafanın silhalı hücuma məruz qalmasından danışan Rüfət Quliyev bildirib ki, bu hadisənin siyasi köklü olduğunu güman etsə də, hansısa bir ölkə və ya qurumun adını çəkə bilməz:

"Fikrimcə, müəyyən proksi qüvvələr var ki, hansısa bir ölkəyə qarşı nifaq salmağa çalışırlar. Səbirli olmaq lazımdır, dövlət öz işini bilir. İstintaq gedir, sadəcə gözləmək lazımdır. Bunun üçün hüquq mühafizə orqanlarına xüsusi tapşırıq verilib. İnanıram ki, 72 saat ərzində cinayətkarlar tapılacaq və bütün gizli məsəllər aydınlaşacaq. Amma heç bir millət vəkili yolundan, fikirlərindən, dəstəyindən dönən deyil. Azərbaycan bu gün dünyada ən stabil ölkədir və biz bununla - stabilliyimizlə, təhlükəsizliyimizlə fəxr edirik. Bu tək deputatlara aid deyil, bütün xalqa aiddir. İndi belə bir şey olubsa, deməli bunun arxasında hansısa bir təşkilat var, yoxsa belə bir hadisə, belə bir məsələ olmazdı”.

Qeyd edək ki, Fazil Mustafaya hücumla bağlı danışan Musa Musayev "Milli Məclis deputatın təhlükəsizliyi qorumalıdır. Hətta deputatın istəyindən asılı olaraq, ona cangüdən təhkim edilə, eləcə də müəyyən dövr üçün silah da verilə bilər”, deyib.