30.07.2023 Siyasət

7 34

Kommersant.az xəbər verir ki, Sumqayıt İnzibati Məhkəməsi bu barədə qərar çıxarıb.

İş materiallarından məlum olur ki, 2008-ci ildə Bilgəh-Sumqayıt avtomobil yolunun tikintisi zamanı iddiaçıya məxsus torpaq sahəsinin bir hissəsi yola düşüb. Həmin vaxt iddiaçıya bildirilib ki, ona kompensasiya ödəniləcək. Lakin yolun tikintisi baş çatsa da, kompensasiya ödənilməyib.

İddiaçının AAYDA-ya müraciətləri nəticəsiz qalıb. Bu baxımdan vətəndaş məhkəməyə üz tutub. O, torpaq sahəsinin yola düşən hissəsinə görə, 495 572 manat kompensasiya və kompensasiyanın vaxtında ödənilməməsinə görə əldən çıxmış fayda olaraq 174 150 manatın cavabdehdən tutularaq ona ödənilməsini xahiş edib.

Məhkəmə iş üzrə toplanmış materialları tədqiq edərək belə qənaətə gəlib ki, vətəndaşa kompensasiya olaraq 394 832 manat ödənilməlidir. Əldən çıxmış faydaya gəlincə, məhkəməyə həmin torpaq sahəsində sahibkarlıq fəaliyyətinin həyata keçirilməsi və onun yol tikintisi altına düşməsi nəticəsində iddiaçının mənfəətdən məhrum edilməsi barədə hər hansı dəlil təqdim olunmayıb. Bu baxımdan, məhkəmə iddianın bu hissəsini təmin etməyib.

AAYDA-nın İdarə Heyətinin sədri Saleh Məmmədovdur. O, 2017-ci ildən bu vəzifədədir./Qaynarinfo.az