ABŞ Rusiyanın Ukraynanın taxıl infrastrukturuna qarşı davam edən hücumlarını pisləyib və Ukraynanın taxıl ixracı üçün alternativ variantları tapmağa çalışdığını açıqlayıb.
ABŞ Dövlət Departamentinin sözçünün müavini Vedant Patel Qara dəniz taxıl dəhlizi sazişinə toxunaraq, "ABŞ... Rusiyanı dərhal Qara dəniz taxıl dəhlizi sazişinə qayıtmağa çağırır" dedi.
Rusiya iyulun 17-də sazişdən çıxıb
Patel, ABŞ-ın "gərək olduğu yerə taxıl göndərməyə davam edə biləcək yollar və dəhlizlər tapmağa" çalışdığını söylədi və Rusiya tərəfdən razılaşmaya qayıtmaq istədiklərinə dair heç bir işarə görmədiyini bildirdi.