Türkiyənin xarici işlər naziri Hakan Fidan avqustun 25-də Ukraynaya gedəcək.
Kommersant.az bu barədə Türkiyə mediasına istinadən xəbər verir.
Məlumata görə, Türkiyənin xarici işlər naziri İraq səfərinin ardınca Ukraynaya səfər edərək həmkarı Dmitri Kuleba ilə görüşəcək. Görüş zamanı taxıl dəhlizinin müzakirə olunacağı gözlənilir.
Qeyd edək ki, bundan əvvəl Türkiyənin Xarici İşlər Nazirliyi Hakan Fidanın 22-24 avqust tarixlərində İraqa rəsmi səfər edəcəyinə dair məlumat yayıb.