Putinin Türkiyə səfəri: Qaz mərkəzi və ortaq bankın yaradılması da gündəmdə olacaq

Rusiya prezidenti Putinin Türkiyəyə səfəri ilə bağlı açıqlama verən Peskov, səfər zamanı Türkiyədə qaz mərkəzinin yaradılmasına dair yol xəritəsi və iki ölkə arasında ortaq bankın yaradılması kimi məsələlərin müzakirə edilib-edilməyəcəyi ilə bağlı sualı cavablandırıb. Bütün bu məsələlər gündəmdə olacaq”, -deyə cavab verib.

Kremlin sözçüsü Dmitri Peskov Rusiya prezidenti Vladimir Putinin bu ay baş tutması gözlənilən Türkiyə səfəri ilə bağlı paytaxt Moskvada jurnalistlərə açıqlama verib.

Səfər zamanı Türkiyədə qaz mərkəzinin yaradılmasına dair yol xəritəsi, Rusiya ilə Türkiyə arasında ortaq bankın yaradılması kimi məsələlərin müzakirə edilib-edilməyəcəyi sualını cavablandıran Peskov, “Bütün bu məsələlər gündəmdə olacaq” deyib.

Türkiyə ilə Rusiya arasındakı ticari və iqtisadi əlaqələrin bütün elementlərinin müzakirə ediləcəyini açıqlayan Peskov, "Türkiyə bizim mühüm ticarət və iqtisadi tərəfdaşımızdır. Bu əlaqələrin bütün detalları gündəmdə olacaq" ifadələrini də işlədib.

Kremlin xarici siyasət müşaviri Yuri Uşakov yanvarın 29-da verdiyi açıqlamada Putinin fevralda Türkiyəyə səfəri üçün hazırlıqların getdiyini bildirib.