“Rusiya müharibədə qalib gəlsə, Avropanın etibarı sıfıra enəcək”

“Rusiya müharibədə qalib gəlsə, Avropanın etibarı sıfıra enəcək” - MAKRON

Fransa prezidenti Emmanuel Makron deyib ki, Ukrayna-Rusiya müharibəsində rəqib kimi qələmə verdiyi Rusiya qalib gələrsə, Avropanın etibarı sıfıra enəcək.

France 2 və TF1 televiziyalarının birgə yayımına qatılan Makron Rusiya-Ukrayna müharibəsini və İsrailin Qəzzaya hücumlarını dəyərləndirib.

Makron müharibənin hazırda Avropa ərazisində olduğunu bildirərək, “Strasburqla Lvov arasında 1500 kilometrdən (məsafə) azdır. Rusiya müharibədə qalib gəlsə, Avropanın etibarı sıfıra enəcək” deyib.

Makron iddia edib ki, Moskva administrasiyası müharibədə qalib gəlsə, onlar artıq təhlükəsiz olmayacaqlar.

“Rusiya müharibədə qalib gələ bilməz, gəlməməlidir”

Makron Rusiyaya qarşı döyüşmədiklərini və bu ölkəyə qarşı döyüşmək üçün heç vaxt “ilk cəhdi etməyəcəklərini” diqqətə çatdırıb.

Fransa prezidenti: "Bizim yalnız bir məqsədimiz var: Rusiya müharibədə qalib gəlməsin".

O, bu ölkəni “rəqib” kimi xarakterizə edib. Ukraynaya hərbi qüvvələrin göndərilməsi ilə bağlı Makron, "Bütün bu variantlar mümkündür, bunun üçün yeganə cavabdeh Moskva rejimi olacaq" deyib.

Makron vurğulayıb ki, onlar Ukraynanı dəstəkləmək imkanlarını nəzərdən qaçıra bilməzlər.

Fransa və Avropanın təhlükəsizliyinin də Ukraynada təhlükə altında olduğunu qeyd edən Makron, “Sülh istəmək Ukraynadan imtina etmək demək deyil” deyib.