ABŞ və Almaniya Makronun Rusiyaya qarşı yeni yanaşmasını rədd edir
Fransa prezidenti Emmanuel Makron Qərb ölkələrinə Rusiyaya qarşı yeni yanaşma təklif edib, lakin onun ideyası ABŞ prezidenti Co Bayden və Almaniya kansleri Olaf Şolz tərəfindən rədd edilib. Bu barədə “The Wall Street Journal” (WSJ) məmurlar arasında olan anonim mənbələrə istinadən məlumat yayıb:
“Makron hər bir liderə, rəsmilərin fikrincə, Rusiyaya qarşı strateji qeyri-müəyyənlik mövqeyi tutmağı təklif edib ki, bu da bütün hərbi variantları gündəmdə saxlayacaq”.
Bu mövqe Vaşinqtonun Rusiya ilə münasibətlərin gərginləşməsinin qarşısını almağa yönəlmiş yanaşmasından köklü şəkildə fərqlənir. Bu baxımdan Bayden Makronun təklifinin münaqişəni daha da pisləşdirəcəyi ilə bağlı “narahatlıqlar fonunda strategiyanın dəyişdirilməsinin zəruriliyini sorğuladı”.
WSJ həmçinin Rusiyanın Makrona qarşı diplomatik kampaniya planlaşdırdığını və onu macəraçı və Qərblə qarşıdurmanın günahkarı kimi təqdim etmək istədiyini bildirib.
Digər xəbərlər
Atalar və mandatlı övladlar ... — Bu adamlar YAP-ın siyahısına necə düşür? - FOTOLAR
.jpg)
