Rusiyadan Fransaya “Ukrayna” təhlükəsi

Xarici İşlər Nazirliyi Fransanın Ukraynaya qoşun yeridəcəyi təqdirdə Rusiyanın ciddi cavab verəcəyini açıqlayıb. Rus diplomat Studennikovun verdiyi açıqlamada hər cür inkişafa hazır olduqları vurğulanıb.

Rusiya Xarici İşlər Nazirliyinin Birinci Avropa Departamentinin direktoru Artem Studennikov bildirib ki, Fransanın Ukraynaya hərbi qoşun yeridəcəyi təqdirdə Rusiya təkcə siyasi reaksiya verməyəcək.

Ria Novosti-yə danışan Studennikov Rusiyanın reaksiyasının siyasi müstəvidən çox kənara çıxacağını və cavab tədbirləri görəcəklərini bildirib.

Studdenikov, "Aydındır ki, belə bir ssenari baş verərsə, cavab tədbirləri təkcə siyasi səviyyədə qalmayacaq. Biz bu məsələ ilə bağlı Fransa tərəfini bir dəfədən çox birbaşa xəbərdar etmişik" deyib.

Fransa prezidenti Emmanuel Makronun “getdikcə artan döyüşkən ritorikası” Aİ və NATO müttəfiqləri tərəfindən dəstəklənməsə də və fransızların əksəriyyəti tərəfindən rədd edilsə də, Studdenikov Moskvanın bu cür bəyanatları ciddi qəbul edə bilməyəcəyini bildirib.

Fransa parlamentində “sağ düşüncə olmasaydı, heç olmasa özünüqoruma instinkti”nin hakim olacağına ümid etdiyini deyən Studdenikov hər cür inkişafa hazır olduqlarını vurğulayıb.