Rusiya Fransanın Nigerdəki uran aktivlərini ala bilər

Rusiyanın Nigerdə uran çıxaran Fransanın Orano şirkətinin aktivlərini almaq istədiyi iddia edilib.

Beynəlxalq KİV-in məlumatına görə, Rusiya Dövlət Nüvə Enerjisi Korporasiyası “Rosatom” Fransanın dövlət nüvə enerjisi şirkəti Orano-nun Nigerdəki aktivlərini almaq üçün Niameydəki hərbi administrasiya ilə əlaqə saxlayıb. Danışıqların danışıqlar mərhələsinə keçib-keçmədiyi və Rosatomun Nigerdə dəqiq olaraq hansı aktivləri əldə etmək istədiyi bəlli deyildi.

Qərbin Qərbi Afrikadakı son müttəfiqi Nigerin hərbi nəzarətə keçməsindən sonra Rusiyanın bölgədəki təsirini artırmaq üçün hərəkətə keçdiyi məlumdur. Afrikada sovet dövründən qalma təsirini bərpa etməyi hədəfləyən Rusiya əsgərlərin hakimiyyətdə olduğu Mali və Burkina Faso, eləcə də Nigerlə hərbi əməkdaşlığı gücləndirib.

Fransa və ABŞ-ın buraxdığı boşluğu Rusiya doldura bilər

2023-cü ilin iyulunda Nigerdə hakimiyyətə gələn hərbi administrasiya Fransa ilə hərbi əməkdaşlıq müqavilələrini dərhal ləğv etdi və Fransanın Niameydəki səfiri Silvain İtteni persona non qrata elan etdi.

Fransa Mali və Burkina Fasodakı hərbi çevrilişlərdən sonra bölgədəki yeganə müttəfiqi Nigeri tərk etməli oldu. Mart ayında Niamey Fransa, eləcə də Nigerdə hərbi və İHA hava bazası olan ABŞ ilə hərbi əməkdaşlıq müqavilələrini ləğv edib. Aprel ayında 100 rusiyalı hərbi təlimatçı Niamey şəhərinə Moskvadan gətirilən hava hücumundan müdafiə sistemlərinin istifadəsi üzrə Niger qüvvələrinə təlim keçmək üçün gəlib.