Başqa bir ölkədə də meymun çiçəyi həyəcanı

Başqa bir ölkədə də meymun çiçəyi həyəcanı - Yük gəmisi karantinə alınıb

Argentina hakimiyyəti Parana çayında yük gəmisini göyərtəsində meymun çiçəyi (Mpox) virusunun olması şübhəsi ilə karantinə qoyub. Qlobal səhiyyə orqanları virusun yeni, daha sürətli yayılan variantına qarşı sayıq qalırlar.

Argentinanın Rosario limanı yaxınlığında lövbər salan gəminin səlahiyyətlilərinə "Hindistan vətəndaşı olan ekipaj üzvünün döş və üzündə kistaya bənzər dəri lezyonları olduğu" bildirilib.

Argentina Səhiyyə Nazirliyindən verilən açıqlamada, bu şəxsin digər ekipaj üzvlərindən təcrid edildiyi və ictimai səhiyyə fövqəladə hal protokolunun işə salındığı deyilib.

San Lorenso limanına getmək üzrə olan gəmi Santa Fe əyalətindəki Parana çayında lövbər salmalı olub.

Ümumdünya Səhiyyə Təşkilatı (ÜST) ötən həftə meymun çiçəyi virusunu son iki ildə ikinci dəfə qlobal sağlamlıq vəziyyəti elan edib.

Afrikada sürətlə yayılan yeni variantın aşkarlanmasından sonra İsveçdə clade 1b variantı kimi tanınan virusun ilk dəfə Afrikadan kənar bir ölkədə görüldüyü bildirildi.