02.05.2025 Siyasət

0 0

AB-yə Dövrdə sədrlik edən Polşa xarici işlər nazirinin müavini Anna Radvan Türkiyənin Avropa Birliyi ölkələri ilə yaşadığı viza problemini “əvvəlki hökumətlərin məsuliyyətsiz viza siyasətinin nəticəsi” kimi qiymətləndirərək, bu mövzuda iş adamlarına və tədqiqatçılara rahatlıqlar yaradılacağını açıqlayıb.

Polşanın Avropa İttifaqına (Aİ) sədrliyinin şüarı “Təhlükəsiz Avropa”dır. Rusiyanın qonşu Ukraynaya təcavüzü, ABŞ prezidenti Donald Trampın təhdidləri, Avropa təhlükəsizlik arxitekturasını yenidən formalaşdırmaq axtarışları, eləcə də ölkə tarixində dərin izlər qoyan işğallar da bu şüarın müəyyənləşməsində təsirli olub.

AB nümayəndəliyi və Polşa Xarici İşlər Nazirliyinin təşkilatçılığı ilə Varşavada türk jurnalistlərlə görüşən Polşa rəsmiləri Türkiyə ilə xüsusilə müdafiə sahəsində əməkdaşlığın zəruriliyini vurğulayıblar.

Polşa xarici işlər nazirinin müavini Anna Radvan "Təhlükəsiz Avropa" şüarını izah edərkən, "Bu tendensiya Polşada çoxdan var. Biz AB siyasətindən asılı olmayaraq, artıq bu yolda idik. Müdafiəyə ayrılan büdcə ümumi milli məhsulumuzun 5 faizini təşkil edir. Bu baxımdan Avropa İttifaqı ölkələri arasında liderik" deyib.