Trampın qayıdış siqnalı: Mən yəqin ki, Vaşinqtona qayıdıram

ABŞ prezidenti Donald Tramp Yaxın Şərq turnesinin son ayağında olduğu Birləşmiş Ərəb Əmirliklərində olarkən verdiyi açıqlamada "Yəqin ki, Vaşinqtona qayıdıram" deyib. Tramp bəzi liderlərlə etdiyi telefon danışıqları səbəbiylə səyahət marşrutunun bəlli olmadığını bildirib.

ABŞ prezidenti Donald Tramp Yaxın Şərq turunun üçüncü və son dayanacağı Birləşmiş Ərəb Əmirliklərinin paytaxtı Əbu-Dabidə mətbuata mühüm açıqlamalar verib. Tramp sabah başa çatacaq səfəri öncəsi bildirib ki, onun geri dönüş planları hələ yekunlaşmayıb.

Aldığı sıx diplomatik dəvətlərə diqqət çəkən Tramp, "Bildiyiniz kimi, sabah yola düşürük. Demək olar ki, hədəfimiz yoxdur. Çünki bizə davamlı zənglər gəlir ki, bura gələ bilərsinizmi, ora gələ bilərsinizmi? Yəqin ki, Vaşinqtona qayıdıram" deyib.

İstanbulda Rusiya-Ukrayna danışıqları gündəmdədir

Tramp dünən İstanbulda keçirilməsi planlaşdırılan Rusiya-Ukrayna sülh danışıqlarında da iştirak edə biləcəyini bildirib. Lakin bu ehtimalla bağlı dəqiq bir cədvəl və ya qərar hələ açıqlanmayıb.

Yaxın Şərq turunda ən son

Trampın Yaxın Şərq turnesinin ilk dayanacağı Səudiyyə Ərəbistanı, ikinci dayanacağı isə Qətər olub. ABŞ prezidentinin BƏƏ-yə üçüncü və sonuncu səfəri zamanı regional əməkdaşlıq, enerji təhlükəsizliyi kimi məsələlər müzakirə edilib və böyük sazişlər imzalanıb.