26.11.2025 Bank

0 0

Kommersant.az xəbər verir ki, AMB rəhbərliyinin tətbiq etdiyi yeni qaydalar BOKT-lərdə aparılan kənar auditin standartlaşdırılması və şəffaflığın artırılmasına yönəlib. Qayda 07 oktyabr 2025-ci il tarixində AMB sədri Taleh Kazımov tərəfindən imzalanıb.

Beləliklə, sənədə əsasən:

• Kənar audit yalnız Beynəlxalq Audit Standartları üzrə aparılacaq.
• Kənar auditorun seçilməsi üçün yeni meyarlar müəyyən olunub:
  – Auditor müstəqil olmalı, BOKT ilə hər hansı işgüzar əlaqəsi olmamalıdır.
  – Auditə cəlb ediləcək əməkdaşlar son 3 ildə həmin təşkilatda işləməməlidir.
  – Eyni auditor BOKT-ni ardıcıl olaraq maksimum 5 il audit edə bilər.
  – Auditorlar Palatasının ictimai əhəmiyyətli qurumlarla bağlı tələblərinə uyğunluq şərtdir.
• BOKT-lər hər ilin 15 dekabrına qədər seçdikləri auditor barədə Mərkəzi Banka məlumat təqdim etməlidirlər.
• Audit hesabatının tərkibi dəqiq müəyyən olunub:
  – auditor rəyi,
  – balans, mənfəət-zərər, kapital dəyişiklikləri, pul axını hesabatları,
  – maliyyə hesabatlarına dair qeydlər.
• Auditor istəyinə görə prudensial göstəricilər, idarəetmə və daxili nəzarətə dair digər vacib məsələləri də hesabatda əks etdirə bilər.
• Kritik pozuntu və ya kapitalın minimum həddən aşağı düşməsi aşkar edilərsə, auditor dərhal Mərkəzi Bankı məlumatlandırmalıdır.
• Audit Komitəsinin funksiyaları genişləndirilib: auditorla işin təşkili, lazımi sənədlərin təqdim olunması, audit gedişində mühüm faktların dərhal araşdırılması və nəticələrin müzakirəsi kimi vəzifələr əlavə olunub.

34/5-“Bank olmayan kredit təşkilatlarında kənar auditin aparılmasına dair minimum Tələblər”in təsdiq edilməsi barədə