Kreml: Putin-Tramp görüşü hər an baş verə bilər

Kremlin xarici siyasət müşaviri Yuri Uşakov Rusiya ilə ABŞ arasında əlaqələrin davam etdiyini və liderlərin razılaşdığı təqdirdə Putinlə Trampın görüşünün hər an baş tuta biləcəyini bildirib.

Kremlin xarici siyasət məsələləri üzrə müşaviri Yuri Uşakov “Rossiya-1” telekanalına açıqlamasında Rusiya ilə ABŞ arasında münasibətləri dəyərləndirib.

ABŞ-ın Rusiya ilə əlaqələrin yaxşılaşdırılması ilə bağlı məsləhətləşmələrin yeni raundlarını təxirə saldığına diqqət çəkən Uşakov, ABŞ Dövlət Departamentindən məsləhətləşmələrin aparılacağına dair siqnal gözlədiklərini bildirib.

Uşakov, "Bu mövzuda intensiv işlərin davam etdirilməsi ilə bağlı razılaşma qüvvədədir. Bu razılıq iki liderin telefon danışıqlarında əldə olunub. İşin davam edəcəyinə şübhəm yoxdur. Bu təmaslar hələlik hər hansı dəyişikliyə və ya fundamental qərarlara səbəb olmayıb, lakin görülən işlər məhsuldardır" deyib.

“Putin və Tramp bir araya gəlmək üçün razılığa gəlməlidir”
Rusiya prezidenti Vladimir Putin və ABŞ prezidenti Donald Trampın bir araya gəlməsi ehtimalını dəyərləndirən Uşakov Birləşmiş Millətlər Təşkilatının (BMT) yaranmasının 80-ci ildönümünün bunun üçün bir fürsət ola biləcəyini bildirib.

Uşakov "Putinin Nyu-Yorka səfərini nəzərdən keçirmək olar, lakin iki lider əvvəlcə razılığa gəlməlidir. Əgər razılaşsalar, səfər mümkündür. Əgər liderlər görüşün digər parametrləri ilə bağlı razılığa gəlsələr, görüş Nyu-Yorkda olmasa, başqa yerdə keçirilə bilər", - bildirib.