31.07.2025 Siyasət

0 0

ABŞ prezidenti Donald Tramp ölkəsinin Hindistan və Rusiya ilə “çox az iş gördüyünü” ifadə edərək, bu iki ölkənin “ölmüş iqtisadiyyatlarını birlikdə məhv edə biləcəyini” bildirib.

Tramp Truth Social platformasındakı paylaşımında məsələ ilə bağlı açıqlamalar verib.

Hindistanın Rusiya ilə nə edəcəyini vecinə almadığını ifadə edən Tramp, "Ölü iqtisadiyyatlarını birlikdə məhv edə bilərdilər, mənim vecimə deyil. Hindistanla çox az iş görmüşük və onların tarifləri çox yüksəkdir, dünyanın ən yüksək tarifləri arasındadır. Eynilə, Rusiya və ABŞ çətin ki, birlikdə heç bir iş görmür".

Tramp: "Medvedev onun sözlərinə diqqət etməlidir"

Rusiya Təhlükəsizlik Şurasının sədr müavini Dmitri Medvedevin şərhlərinə toxunan Tramp bildirib ki, “hələ də özünü prezident hesab edən uğursuz keçmiş Rusiya prezidenti Medvedev çox təhlükəli əraziyə daxil olur”. Tramp Medvedevə xəbərdarlıq edib ki, o, “sözlərinə diqqət yetirməlidir”.

Prezident Tramp Rusiya prezidenti Vladimir Putinin Ukrayna ilə razılaşmaq üçün verdiyi 50 günlük müddəti “10 və ya 12 günə” qısaldacağını bildirib.

Medvedev Trampın Rusiya ilə “ultimatum oyunu” oynadığını bildirərək, “Hər yeni ultimatum Rusiya ilə Ukrayna arasında deyil, öz ölkəsi ilə təhdid və müharibəyə doğru bir addımdır” deyib.