ABŞ prezidenti Donald Tramp əlavə tariflərin qüvvəyə mindiyini açıqlayıb

ABŞ prezidenti Donald Tramp qarşılıqlı və dəyişən dərəcələrə əsaslanan əlavə tariflərin qüvvəyə mindiyini açıqlayıb.

ABŞ prezidenti Donald Tramp “Truth Social” hesabındakı paylaşımında tariflərlə bağlı açıqlama verib.

Gecə yarısını keçdiyini qeyd edən Tramp, qarşılıqlılığa əsaslanan və dərəcələri dəyişən tariflərin qüvvəyə mindiyini açıqlayıb.

Bu tariflərdən təsirlənən ölkələrin illərdir “ABŞ-a fayda verdiyini” vurğulayan Tramp, “Milyardlarla dollarlıq tariflər indi ABŞ-a axır” dedi.

Qarşılıqlı Tariflər

Ağ Ev, Trampın imzaladığı sərəncamın, ABŞ-ın artan illik mal ticarəti kəsirini daha da azaltmaq məqsədilə müəyyən ölkələrə tətbiq edilən qarşılıqlı tarif dərəcələrini dəyişdirdiyini açıqladı.

Açıqlamada vurğulanıb ki, Trampın aprelin 2-də qarşılıqlı tariflərlə bağlı açıqlamasından sonra bəzi ölkələr ABŞ ilə mənalı ticarət və təhlükəsizlik sazişləri ilə razılaşıb və ya razılaşmaq ərəfəsindədir. O, həmçinin qeyd edib ki, bəzi ölkələr danışıqlar yolu ilə ABŞ-a təkliflər verib, bəziləri isə ümumiyyətlə danışıqlara girməyib.

Açıqlamada qeyd edilib ki, Tramp bəzi ölkələr üçün tarif dərəcələrinin qarşılıqlı əsasda dəyişdirilməsinin zəruri və uyğun olduğunu müəyyən edib.

Açıqlamada, icra sərəncamına daxil olan ölkələrə göstərilən dərəcələrlə gömrük rüsumunun, siyahıya daxil olmayan ölkələrə isə 10 faizlik tarif tətbiq ediləcəyi bildirilib. Tramp həmçinin Kanada üçün tarif dərəcəsini 25 faizdən 35 faizə qaldıran sərəncam imzalayıb.