19.12.2025 Siyasət

0 0

ABŞ Daxili Təhlükəsizlik Katibi Kristi Noem sosial media hesabında verdiyi açıqlamada Yaşıl Kart lotereyasının (Müxtəliflik Vizası, DV1) proqramının dayandırıldığını elan etdi.

Noem bildirib ki, Braun Universitetində silahlı hücumu həyata keçirən Klaudio Manuel Neves Valente 2017-ci ildə Yaşıl Kart proqramı çərçivəsində ABŞ-a daxil olub və daimi yaşayış icazəsi alıb.

Noem vurğulayıb ki, bu şəxs "ölkəyə heç vaxt buraxılmamalı olan dəhşətli cinayətkar"dır.

Noem öz paylaşımında o vaxtkı prezident Donald Trampın da 2017-ci ildə bu proqrama qarşı çıxdığını qeyd edib və xatırladıb ki, Nyu-Yorkda İŞİD üzvü tərəfindən törədilən 8 nəfərin ölümünə səbəb olan yük maşını hücumunu törədən şəxs də Yaşıl Kart proqramı vasitəsilə ABŞ-a daxil olub.

Katib Noem elan edib ki, prezident Trampın göstərişlərinə uyğun olaraq, ABŞ Vətəndaşlıq və İmmiqrasiya Xidmətlərinə (USCIS) Müxtəliflik Vizası proqramını dərhal dayandırmağı tapşırıb.

Nə baş verdi?

Silahlı hücumçu səbəbindən ABŞ-dakı Braun Universitetinin kampusunda 13 dekabrda yerli vaxtla axşam saatlarında "aktiv silahlı şəxs" xəbərdarlığı verildi.

Providens meri Brett Smiley hücum nəticəsində iki nəfərin öldüyünü və doqquz nəfərin yaralandığını açıqladı.

Bu arada, Massaçusets Texnologiya İnstitutunun (MIT) professoru Nuno Loureiro 15 dekabr gecəsi Massaçusets ştatının Bruklin şəhərindəki evində baş verən atışmada öldürüldü.