02.03.2026 Siyasət

0 0

ABŞ prezidenti Donald Tramp Britaniya mətbuatına verdiyi açıqlamada ABŞ və İsrailin İrana hücumlarını şərh edib.

Tramp İrana hücumların dörd həftə davam edə biləcəyi ehtimalını qeyd edərək deyib: “Bu, həmişə təxminən dörd həftəlik bir proses olub, ona görə də nə qədər güclü olsa da, böyük bir ölkə olduğu üçün dörd həftə və ya daha az davam edəcək”.

“Hücumlar məqsədlərimizə çatana qədər davam edəcək”

Sosial media hesabında paylaşılan təxminən altı dəqiqəlik videoda Tramp İranda İnqilab Keşikçiləri Korpusuna məxsus yüzlərlə yerə zərbə endirdiklərini və doqquz İran gəmisini məhv etdiklərini bildirib və əlavə edib ki, İran lideri Ayətullah Əli Xamenei öldürülüb. Bütün İran hərbi komandanlıq strukturunun ləğv edildiyini və qalanların təslim olmaq və toxunulmazlıq tələb etdiyini iddia edən Tramp deyib: “Hazırda müharibə əməliyyatları tam güclə davam edir və bütün məqsədlərimizə çatana qədər davam edəcək. Bizim çox güclü hədəflərimiz var. İki həftə əvvəl nəsə edə bilərdilər, amma edə bilmədilər”.

Tramp, indiyə qədər üç Amerika əsgərinin öldüyünü xatırladaraq, "Təəssüf ki, daha çox itki olacaq. Məhz belədir. Yəqin ki, daha çox olacaq, amma bunun baş verməməsi üçün əlimizdən gələni edəcəyik" dedi.