ABŞ-İran görüşündən heç bir razılaşma əldə olunmadı

Pakistanın paytaxtı İslamabadda keçirilən və 21 saat davam edən Tehran-Vaşinqton görüşü razılaşma olmadan başa çatdı. İran mediası danışıqlarda ortaq bir çərçivə və razılığa gəlinməməsinin səbəbinin ABŞ-ın həddindən artıq tələbləri olduğunu iddia etdi.

İran dövlət televiziyası Pakistanın İslamabad şəhərində keçirilən İran-ABŞ danışıqlarının başa çatdığını elan etdi.

İslamabadda təxminən 21 saat davam edən ABŞ-İran danışıqlarında, xüsusən də Hörmüz boğazı və ölkədən nüvə materiallarının çıxarılması kimi məsələlərdə razılığa gəlinmədiyi bildirilir.

İran nümayəndə heyətinin müxtəlif təşəbbüslər vasitəsilə ABŞ tərəfini ortaq bir çərçivəyə yönəltməyə çalışdığı, lakin ABŞ tərəfinin həddindən artıq tələblərinin ortaq bir çərçivə və razılaşmanın formalaşmasına mane olduğu iddia edildi.

ABŞ-ın vitse-prezidenti JD Vance, Pakistanın İslamabad şəhərində İranla birbaşa danışıqların "razılaşma olmadan" başa çatdığını açıqladı.

Vance bildirib ki, "Biz 21 saatdır ki, bu barədə işləyirik və iranlılarla bir sıra vacib müzakirələr apardıq. Bu, yaxşı xəbərdir. Pis xəbər isə razılığa gəlməməyimizdir. Düşünürəm ki, bu, ABŞ üçün deyil, İran üçün daha pis xəbərdir. Buna görə də razılaşma olmadan ABŞ-a qayıdırıq".

Narmin Gani

Xəbərin müəllifi

Facebok Twitter LinkedIn

Əvvəlki
Wall Street Journal: Vance istəmədiyi müharibənin sona çatmasında necə əsas oyunçuya çevrildi?
Sonrakı
BƏƏ-nin vəliəhd şahzadəsi əl-Nəhyan Çinə əhəmiyyətli səfər edir