27.01.2023 Problemli Banklar

0 0

Kommersant.az xəbər verir ki, bankın məcmu kapitalı 1 il ərzində 555 min manat və ya 0.03% artaraq 175 milyon 718 min manata çatıb.

AKTİVLƏR CƏMİ ƏRİYİB

“Premium Bank”ın cəmi aktivləri 2021-ci ilin son rübü ilə müqayisədə 68 milyon 137 min manat və ya 0.9% azalaraq 692 milyon 202 min manata düşüb. Bu azalmada kredit portfelinin payı daha çox olub. Belə ki, sözügedən portfel 71 milyon 108 min manat və ya 14% azalaraq 436 milyon 968 min manata enib. Bu azalmada ən böyük pay biznes kreditlərində olub. Bankın biznes kreditləri 78 milyon 659 min manat və ya 16.5% azalaraq 398 milyon 369 min manata düşüb. Buna baxmayaraq “Premium Bank”ın istehlak kreditləri 4 milyon 254 min manat artaraq 5 milyon 993 min manata yüksəlib.

Bank mümkün zərərlər üçün yaradılan məqsədli ehtiyatənı 5 milyon 837 min manat artıraraq 9 milyon 332 min manata çatdırıb. Bununla da “Premium Bank”ın xalis kreditləri 427 milyon 635 min manat olub. Bu da 2021-ci ilin eyni dövrü ilə müqayisədə 76 milyon 947 min manat və ya 15.2% azdır.

PREMİUM BANK MÜŞTƏRİLƏRİNİ DƏ İTİRİB

Bankın cəmi öhdəlikləri 2021-ci ilin müvafiq dövrü ilə müqayisədə 64 milyon 762 min manat və ya 11.3% azalaraq 509 milyon 638 min manatadək azalıb. Bu azalmanın 80%-i müştərilərin əmanətlərini geri çəkməsindən yaranıb. Bank fiziki şəxslərdən yığımlarını 13 milyon 407 min manat və ya 0.4% artıraraq 340 milyon 663 min manata yüksəldib. Buna baxmayaraq bankda əmanətləri olan hüquqi şəxslərin depozitləri 65 milyon 277 min manat və ya 34.1% azalaraq 125 milyon 827 min manatdək əriyib.

Bank ümumi ehtiyatlarını 3 milyon 950 min manat və ya 24% azaldaraq 12 milyon 468 min manata endirsə də, bölüşdürülməmiş mənfəətini 576 min manat və ya 0.3% artıraraq 15 milyon 495 min manata yüksəldib. Nəticədə bankın kapital cəmi 3 milyon 375 min manat azalaraq 182 milyon 564 min manata enib.

ƏMƏLİYYAT MƏNFƏƏTİ ARTIB

“Premium Bank”ın faiz gəlirləri 1 milyon 672 min manat və ya 0.5% azalaraq 30 milyon 711 min manata, faiz xərcləri isə 4 milyon 472 min manat və ya 31% azalaraq 9 milyon 943 min manata bərabər olub. Nəticədə bankın xalis faiz gəliri 20 milyon 768 min manat olub ki, bu da 2021-ci ilin son rübü ilə müqayisədə 2 milyon 800 min manat və ya 15.6% çoxdur.

Qeyri-faiz gəlirini 3 milyon 420 min manat və ya 23.2% artaraq 18 milyon 149 min manata çatıb. Bundan başqa bankın qeyri-faiz xərcləri isə 5 milyon 39 min manat və ya 15% azalaraq 28 milyon 372 min manata düşüb.

Bu artma və azalma banka əməliyyat mənfəəti əldə etməsinə səbəb olub. Belə ki, bankın əməliyyat mənfəəti 1 il ərzində 11 milyon 259 min manat və ya 15.8 dəfə artaraq 10 milyon 545 min manat olub.