USD1,7000
EUR1,8634
GBP2,1133
RUB0,0208

"Bank VTB"nin maliyyə - HESABATI

07.02.2023 Problemli Banklar
0 0
“Bank VTB” (Azərbaycan Filialı) 2022-ci ilin son rübünə olan hesabatını açıqlayıb. Hesabata görə sözügedən bankın xalis mənfəəti 7 milyon 691 min manat və ya 1.8 dəfə artaraq 11 milyon 904 min manata yüksəlib.

Kommersant.az xəbər verir ki, “Bank VTB”nin məcmu kapitalı da 2021-ci ilin son rübü ilə müqayisədə 10 milyon 414 min manat və ya 16.4% artaraq 73 milyon 594 min manata bərabərləşib.

KREDİT PORTFELİ AZALSA DA, AKTİVLƏR CƏMİ ARTIB

“Bank VTB”nin cəmi aktivləri 6 milyon 166 min manat və ya 0.2% artaraq 238 milyon 493 min manata çatıb. Bu artımda əsas səbəb bankın ticarət və investisiya qiymətli kağızlarının 1 il ərzində 20 milyon 55 min manat artaraq 24 milyon 475 min manata çatmasıdır. Buna baxmayaraq, bankın kredit portfelində 5 milyon 311 min manatlıq azalma müşahidə olunub. Belə ki, bankın verdiyi istehlak kreditləri 2022-ci ilin son rübündə 70 milyon 433 min manat olub ki, bu da 2021-ci ilin eyni rübü ilə müqayisədə 14 milyon 300 min manat çoxdur. “Bank VTB”nin biznesə ayırdığı kreditlər isə 28 milyon 385 min manat və ya 36.1% azalaraq 50 milyon 186 min manata enib.

Bank daşınmaz əmlaka 39 milyon 156 min manatlıq kredit verib ki, bu da 2021-ci ilin müvafiq dövrü ilə müqayisədə 8 milyon 774 min manat və ya 28.9% çoxdur. Mümkün zərərlər üçün yaradılan məqsədli ehtiyatını 9 milyon 48 min manat və ya 69.5% artıraraq 22 milyon 61 min manata yüksəldən “Bank VTB”nin xalis kreditləri 137 milyon 713 min manat təşkil edib. Bu da 2021-ci ilin analoji dövrü ilə müqayisədə 14 milyon 360 min manat və ya 0.9% azdır.

HÜQUQİ ŞƏXSLƏR BANKDAN ƏLİNİ ÇƏKİB

“Bank VTB”nin cəmi öhdəlikləri 1 il ərzində 5 milyon 327 min manat azlaraq 158 milyon 275 min manata enib. Bankın depozit portfeli 2021-ci ilin eyni dövrü ilə müqayisədə 6 milyon 71 min manat artaraq 94 milyon 851 min manata çatsa da, azalmanın qarşısını almaq mümkün olmayıb. Belə ki, “Bank VTB”yə əmanət yerləşdirən fiziki şəxslərin vəsaiti 9 milyon 920 min manat və ya 18.4% artaraq 63 milyon 793 min manata bərabərləşib. Buna baxmayaraq, hüquqi şəxslər bankdakı vəsaitlərini geri çəkiblər. Hüquqi şəxslərin bankdakı depozitləri 3 milyon 849 min manat və ya 11% azalaraq 31 milyon 58 min manata düşüb.

Öhdəliklərin azalmasının əsas səbəbi isə bankın kredit təşkilatları və digər maliyyə institutları qarşısındakı öhdəlikləri 1 il ərzində 18 milyon 641 min manat və ya 70.9% azalaraq 7 milyon 658 min manata enib.

Bankın bölüşdürülməmiş mənfəəti 11 milyon 904 min manat azalaraq 236 milyon 833 min manata yüksəlib. Bundan başqa ümumi ehtiyatları 410 min manat və ya 24.9% artaraq 1 milyon 237 min manata düşüb. Nəticədə bankın cəmi kapitalı cəmi 11 milyon 494 min manay və ya 16.7% artaraq 80 milyon 219 min manata çatıb.

ƏMƏLİYYAT ZƏRƏRİ MƏNFƏƏTƏ DÖNÜB

“Bank VTB”nin faiz gəliri 7 milyon 227 min manat artaraq 24 milyon 918 min manata, faiz xərcləri isə 5 milyon 177 min manat artaraq 28 milyon 708 min manata çatıb. Bununla da bankın xalis faiz gəliri 16 milyon 313 min manat olub ki, bu da 2021-ci ilin son rübü ilə müqayisədə 4 milyon 294 min manat və ya 35.7% çoxdur.

Bankın qeyri-faiz gəliri 7 milyon 91 min manat artaraq 14 milyon 312 min manata, qeyri-faiz xərcləri isə 5 milyon 177 min manat artaraq 28 milyon 708 min manata bərabərləşib. Bununla da bankın əməliyyat zərəri mənfəətə dönüb. Belə ki, bankın əməliyyat mənfəəti 6 milyon 208 min manat artaraq 1 milyon 917 min manata çatıb.

Bank VTB

2022 (IV Rüb)

2021 (IV Rüb)

Fərq

Cəmi Aktivlər

238.493

232.327

6.166

Kredit

159.775

165.086

-5.311

İstehlak kreditləri

70.433

56.133

14.300

Biznes kreditləri

50.186

78.571

-28.385

Daşınmaz əmlak kreditləri

39.156

30.382

8.774

Mümkün zərərlər üçün yaradılan məqsədli ehtiyat

22.061

13.013

9.048

Xalis Kreditlər

137.713

152.073

-14.360

Cəmi Öhdəliklər

158.275

163.602

-5.327

Depozit

94.851

88.780

6.071

Fiziki şəxslərin depozitləri

63.793

53.873

9.920

Hüquqi şəxslərin depozitləri

31.058

34.907

-3.849

Cəmi Kapital

80.219

68.725

11.494

Səhmdar kapitalı

315.815

315.815

0

Səhmin qiymətinin dəyişməsindən gəlir (zərər)

-

-

-

Bölüşdürülməmiş mənfəət

-236.833

-248.737

11.904

Ümumi ehtiyatlar

1.237

1.647

-410

Faiz Gəliri

24.918

17.691

7.227

Faiz Xərci

7.761

4.835

2.926

Xalis Faiz Gəliri/Zərəri

16.313

12.019

4.294

Qeyri-Faiz Gəliri

14.312

7.221

7.091

Qeyri-Faiz Xərci

28.708

23.531

5.177

Əməliyyat Mənfəəti (Zərəri)

1.917

-4.291

6.208

Xalis Mənfəət (Zərər)

11.904

4.213

7.691

Məcmu Kapital

73.594

63.180

10.414

  • Əvvəlki

    Farsların bankı 3.7 milyon manat itirsə, Azərbaycanı tərk edəcək - HESABAT

Digər xəbərlər

29.01.2024 Problemli Banklar
ASB 2023-cü ili belə yola verib - HESABAT
0 0
29.01.2024 Problemli Banklar
Müştərilə ASB-dən pullarını - GERİ ÇƏKİR
0 0